యూఏఈలో మరో కొత్తరకం స్ట్రెయిన్ కేసులు..
ABN, First Publish Date - 2021-01-16T15:09:33+05:30
యూఏఈలో మరో కొత్తరకం స్ట్రెయిన్ కేసులు బయటపడ్డాయి.
అబుధాబి: యూఏఈలో మరో కొత్తరకం స్ట్రెయిన్ కేసులు బయటపడ్డాయి. ఇప్పటికే యూకే, దక్షిణాప్రికా దేశాల్లో వెలుగులోకి వచ్చిన కొత్త స్ట్రెయిన్ కలకలం సృష్టిస్తుండగా.. తాజాగా యూఏఈలో మరో కొత్తరకం స్ట్రెయిన్ కేసులు బయటకు రావడం కలవరపరుస్తోంది. కాగా, యూఏఈలోనూ యూకే స్ట్రెయిన్ పాకింది. ఈ కేసులను పరిశీలిస్తున్న క్రమంలోనే మరికొన్ని జన్యుమార్పిడిలతో ఈ కొత్తరకం వైరస్ వెలుగులోకి వచ్చినట్లు ఆ దేశ వైద్య నిపుణులు వెల్లడించారు. అయితే, ఇవి అంత డేంజరేమి కాదని, ప్రస్తుతం కరోనా బాధితులకు అందిస్తున్న చికిత్స, టీకా పద్ధతిని అదే విధంగా కొనసాగిస్తే సరిపోతుందని యూఏఈ నేషనల్ కొవిడ్-19 క్లినికల్ మేనేజ్‌మెంట్ కమిటీ చైర్‌పర్సన్ డా. నవల్ అల్ కాబి అన్నారు. కాగా, ఈ కొత్త స్ట్రెయిన్ వ్యాప్తి రేటు అధికంగా ఉన్నట్లు ఆయన పేర్కొన్నారు. కరోనావైరస్‌లోని ఉత్పరివర్తనలు ఇన్‌ఫ్లుయెంజా వైరస్ మాదిరిగానే ఉంటాయని నవల్ వెల్లడించారు. అలాగే ఆర్ఎన్ఏ వైరస్‌లలో చిన్నపాటి ఉత్పరివర్తనలు ఎంత సాధారణమో ఎస్ఏఆర్ఎస్-CoV-2లో కూడా సర్వసాధారణం అన్నారు.
Updated Date - 2021-01-16T15:09:33+05:30 IST