మరో 200 మిలియన్ల మోడెర్నా వ్యాక్సిన్ కొనుగోలు చేస్తున్న అమెరికా
ABN, First Publish Date - 2021-06-17T04:59:53+05:30
అగ్రరాజ్యం అమెరికా మరో 200 మిలియన్ల డోసుల మోడెర్నా వ్యాక్సిన్ కొనుగోలు చేయాలని నిర్ణయించింది. వివిధ వేరియంట్ల కోసం ప్రత్యేకంగా తయారుచేస్తున్న వ్యాక్సిన్లను ఎంచుకునే అవకాశం కూడా అమెరికాకు ఉన్నట్లు కంపెనీ తెలిపింది.
వాషింగ్టన్: అగ్రరాజ్యం అమెరికా మరో 200 మిలియన్ల డోసుల మోడెర్నా వ్యాక్సిన్ కొనుగోలు చేయాలని నిర్ణయించింది. వివిధ వేరియంట్ల కోసం ప్రత్యేకంగా తయారుచేస్తున్న వ్యాక్సిన్లను ఎంచుకునే అవకాశం కూడా అమెరికాకు ఉన్నట్లు కంపెనీ తెలిపింది. ఈ డోసుల కొనుగోలుతో అగ్రరాజ్యం ఇప్పటి వరకూ కొనుగోలు చేసిన ఈ వ్యాక్సిన్ డోసుల సంఖ్య 500 మిలియన్లకు చేరనుంది. ఒక్కో వ్యక్తికి ఈ వ్యాక్సిన్ రెండు డోసులు ఇవ్వాలి. ఇప్పటి వరకూ మొత్తం 217 మిలియన్ వ్యాక్సిన్ డోసులను ఈ కంపెనీ అమెరికాకు అందించింది. మరో 110 మిలియన్ డోసులను ఈ ఏడాది చివరిలోపు డెలివరీ ఇవ్వడానికి సిద్ధంగా ఉంది. మరో 90 మిలియన్ డోసులను వచ్చే ఏడాది తొలి మూడు నెలల్లో అందించనుందని కంపెనీ తెలిపింది.
Updated Date - 2021-06-17T04:59:53+05:30 IST