ఆసియన్-అమెరికన్లపై దాడులు.. కీలక బిల్లుకు యూఎస్ సెనేట్ ఆమోదం!
ABN, First Publish Date - 2021-04-23T18:58:26+05:30
అగ్రరాజ్యం అమెరికాలో కరోనా విజృంభణ ప్రారంభమైన నాటి నుంచి అక్కడ నివసిస్తున్న ఆసియన్ అమెరికన్ల‌ు, పసిఫిక్ ద్వీపవాసులపై దాడులు క్రమంగా పెరిగాయి. ఈ దాడులపట్ల విచారం వ్యక్తం చేసిన బైడెన్ స
వాషింగ్టన్: అగ్రరాజ్యం అమెరికాలో కరోనా విజృంభణ ప్రారంభమైన నాటి నుంచి అక్కడ నివసిస్తున్న ఆసియన్ అమెరికన్ల‌ు, పసిఫిక్ ద్వీపవాసులపై దాడులు క్రమంగా పెరిగాయి. ఈ దాడులపట్ల విచారం వ్యక్తం చేసిన బైడెన్ సర్కార్.. వాటిని అరికట్టడంపై దృష్టిసారించింది. ఈ క్రమంలో గురువారం రోజు ముందడుగు పడింది. ఆసియన్ అమెరికన్ల మీద జరుగుతున్న ద్వేషపూరిత దాడులపై పోరాడటానికి సంబంధించిన బిల్లును యూఎస్ సెనేట్ ఆమోదించింది. ఈ బిల్లుపై గురువారం రోజు సెనేట్‌లో ఓటింగ్ జరగ్గా.. 94 మంది అనుకూలంగా ఓటేశారు. ఇదిలా ఉంటే.. మహమ్మారి విలయం మొదలైన నాటి నుంచి అగ్రరాజ్యంలో ఆసియన్ అమెరిన్లు, పసిఫిక్ ద్వీపవాసులపై ఏకంగా 3,800 దాడులు జరిగినట్టు ఏఏపీఐ (ఆసియన్ అమెరికన్ మరియు పసిఫిక్ ద్వీపవాసుల కమ్యూనిటీ) గత నెలలో తన నివేదికలో తెలిపిన విషయం తెలిసిందే.
Updated Date - 2021-04-23T18:58:26+05:30 IST