కరోనా సాయంతో.. ఇల్లు, కారు కొనుక్కున్న వ్యక్తి.. అమెరికాలో అరెస్టు!
ABN, First Publish Date - 2021-05-19T10:46:57+05:30
కరోనా కారణంగా భారీగా నష్టపోయిన దేశాల్లో అగ్రరాజ్యం అమెరికా ఒకటి. ఈ పరిస్థితిని చక్కదిద్దడం కోసం ఆ దేశ నూతన అధ్యక్షుడు జోబైడెన్ పట్టుబిగించారు.
వాషింగ్టన్: కరోనా కారణంగా భారీగా నష్టపోయిన దేశాల్లో అగ్రరాజ్యం అమెరికా ఒకటి. ఈ పరిస్థితిని చక్కదిద్దడం కోసం ఆ దేశ నూతన అధ్యక్షుడు జోబైడెన్ పట్టుబిగించారు. కరోనాతో ఇబ్బందులు పడుతున్న ప్రజలందరికీ అండగా ఉండాలనే ఉద్దేశ్యంతో ఉద్దీపన ప్యాకేజి ప్రకటించారు. ప్రజలకు నేరుగా కరోనా సాయం అందేలా చర్యలు తీసుకున్నారు. అయితే ఇలా అందిన కరోనా సాయాన్ని ఒక అమెరికన్ దుర్వినియోగం చేశాడు. ఈ కరోనా సంక్షోభంలో చిన్న కంపెనీలను ఆదుకోవడం కోసం రుణాలు దొరికేలా ప్రభుత్వం చర్యలు తీసుకుంది.
దీన్ని క్యాష్ చేసుకున్న సదరు వ్యక్తి.. తన కంపెనీ ఖర్చులు, పనిచేసే ఉద్యోగుల సంఖ్యను తప్పుగా చెప్పి 6 మిలియన్ డాలర్లు (సుమారు రూ.44కోట్లు) రుణాలు తీసుకున్నాడు. ఈ డబ్బులో 1 మిలియన్ డాలర్లు పెట్టి ఇల్లు కొనుక్కున్నాడు. ఒక టెస్లా కారు కొని, మిగతా డబ్బును స్టాక్ మార్కెట్‌లో పెట్టుబడి పెట్టాడు. అతను చేసిన మోసం బయట పడటంతో పోలీసుల అతన్ని అరెస్టు చేశారు.
Updated Date - 2021-05-19T10:46:57+05:30 IST