ఆ రెండు నిబంధనలకు ముగింపు పలకాలనుకుంటున్న Florida.. ప్రయత్నాలు మొదలు పెట్టిన US Lawmakers
ABN, First Publish Date - 2021-11-17T04:43:51+05:30
ఎక్కడి కెళ్లినా మాస్కులు పెట్టుకోవాలి.. ఇదో తలనొప్పిగా మారింది.. ఇదీ అమెరికాలో అనేక మంది వేస్తున్న ప్రశ్నలు. రిపబ్లికన్ పార్టీ వారు ముందు నుంచీ ఈ నిబంధనలను వ్యతిరేకిస్తున్నారు. ప్రజల్లో కూడా వ్యతిరేకత వ్యక్తమవుతుండడాన్ని చూసిన వారు.. ఫెడరల్ ప్రభుత్వం రూపొందించిన కరోనా నిబంధనలకు ముగింపు పలికేందుకు ప్రయత్నిస్తున్నారు.
ఇంటర్నెట్ డెస్క్: ఎక్కడికెళ్లినా మాస్కులు పెట్టుకోవాలి.. ఇదో తలనొప్పిగా మారింది.. మా మాస్కులు మా ఇష్టం.. టీకా వేసుకున్న వారిని కూడా మాస్కు పెట్టుకోమంటారేం..? మరి మతపరమైన, ఇతర కారణాల రీత్యా మాస్కులు ధరించకూడని వారి పరిస్థితేంటి..? అసలు మాకు ఈ నిర్బంధం ఏంటీ..? ఇదీ అమెరికాలో అనేక మంది వేస్తున్న ప్రశ్నలు. రిపబ్లికన్ పార్టీ వారు ముందు నుంచీ ఈ నిబంధనలను వ్యతిరేకిస్తున్నారు. ప్రజల్లో కూడా వ్యతిరేకత వ్యక్తమవుతుండడాన్ని చూసిన వారు.. ఫెడరల్ ప్రభుత్వం రూపొందించిన కరోనా నిబంధనలకు ముగింపు పలికేందుకు ప్రయత్నిస్తున్నారు.
ముఖ్యంగా ఫ్లోరిడా రాష్ట్రంలో ఈ ప్రయత్నాలు ముమ్మరంగా జరుగుతున్నాయి. ఫ్లోరిడా ప్రజాప్రతినిధులు కరోనా నిబంధనలు సడలించే విషయంలో పెద్ద ఎత్తున చర్చలు జరుపుతున్నారు. రిపబ్లికన్ల మెజారిటీ ఉన్న ఫ్లోరిడా రాష్ట్రంలో ఈ పరిణామం ప్రస్తుతం పెద్ద చర్చనీయాంశమవుతోంది. మాస్కుల నిబంధన తొలగించడంతో పాటు ఈ రూల్‌ను తప్పనిసరి చేస్తున్న స్కూళ్లపై తల్లిదండ్రులు కేసు వేసే అవకాశాన్ని కల్పించే అంశాన్ని కూడా వారు చర్చిస్తున్నారు. వారం పాటు ఈ చర్చలు జరుగుతాయని సమాచారం. అయితే.. డామోక్రటిక్‌లు మాత్రం ఈ ప్రయత్నాలను తీవ్రంగా ఖండిస్తున్నారు. ఈ పరిణామాల ఫలితం ఎలా ఉంటుందో తెలియాలంటే మరికొన్ని రోజుల పాటు వేచి చూడాల్సిందే.
Updated Date - 2021-11-17T04:43:51+05:30 IST