కువైట్ వెళ్లాల్సిన విమానం.. కొజికోడ్‌లో ఎమర్జెన్సీ ల్యాండింగ్ !
ABN, First Publish Date - 2021-04-10T13:33:35+05:30
కేరళలోని కోజికోడ్ అంతర్జాతీయ విమానాశ్రయం నుంచి కువైట్‌కు బయల్దేరిన ఎయిర్ ఇండియా ఎక్స్‌ప్రెస్ విమానం తిరిగి 30 నిమిషాల తర్వాత ఇదే ఎయిర్‌పోర్టులో అత్యావసరంగా ల్యాండ్ అయింది.
కొజికోడ్: కేరళలోని కొజికోడ్ అంతర్జాతీయ విమానాశ్రయం నుంచి కువైట్‌కు బయల్దేరిన ఎయిర్ ఇండియా ఎక్స్‌ప్రెస్ విమానం తిరిగి 30 నిమిషాల తర్వాత ఇదే ఎయిర్‌పోర్టులో అత్యావసరంగా ల్యాండ్ అయింది. శుక్రవారం ఉదయం 8.35 గంటలకు 17 మంది ప్రయాణికులు, సిబ్బందితో కువైట్ బయల్దేరిన విమానం తిరిగి 9.10 గంటలకు అత్యావసరంగా ల్యాండ్ అయింది. 30 నిమిషాల పాటు గాల్లోనే చక్కర్లు కొట్టిన విమానం తిరిగి కొజికోడ్ విమానాశ్రయంలోనే ఎమర్జెన్సీగా ల్యాండ్ అయింది. విమానం కార్గోలో ఫైర్ అలారం మోగడంతోనే విమానాన్ని అత్యావసరంగా ల్యాండ్ చేసినట్లు సంబంధిత అధికారులు వెల్లడించారు. విమానం సురక్షితంగా ల్యాండ్ అయిందని, ప్రయాణికులెవరికి ఏమీ కాలేదని విమానాశ్రయ అధికారులు వెల్లడించారు.
Updated Date - 2021-04-10T13:33:35+05:30 IST