మాస్కు లేకుంటే అరెస్టు.. యూఎస్ కాపిటోల్ వద్ద పోలీసులకు ఆర్డర్స్!
ABN, First Publish Date - 2021-07-30T11:07:58+05:30
యూఎస్ కాపిటోల్ పరిసరాల్లోకి మాస్కులు లేకుండా వచ్చే అధికారులు, సందర్శకులను అరెస్టు చేయాలంటూ స్థానిక పోలీసులకు
వాషింగ్టన్: యూఎస్ కాపిటోల్ పరిసరాల్లోకి మాస్కులు లేకుండా వచ్చే అధికారులు, సందర్శకులను అరెస్టు చేయాలంటూ స్థానిక పోలీసులకు ఆదేశాలు అందాయట. అయితే ఈ నిబంధన కాంగ్రెస్ సభ్యులకు వర్తించదని తెలుస్తోంది. ఈ మేరకు హౌస్ స్పీకర్ నాన్సీ పెలోసీ సూచనలు చేశారనే ఆరోపణలు అమెరికాలో వెల్లువెత్తుతున్నాయి. మాస్కులు ధరించడానికి కాంగ్రెస్ సభ్యులు నిరాకరిస్తే వారిపై అక్కడి పోలీసులకు ఫిర్యాదు చేసే అవకాశం ఉందట. ఈ మేరకు మార్గదర్శకాలు విడుదలైనట్లు తెలియడంతో రిపబ్లికన్ సభ్యులు ఆగ్రహం వ్యక్తం చేస్తున్నారు. ఈ నిబంధనలు నిరంకుశత్వానికి నిదర్శనమని రిపబ్లికన్లు ఆరోపిస్తున్నారు. అయితే కాపిటోల్ పోలీసులంతా నాన్సీ పెలోసీ అదుపాజ్ఞల్లో ఉన్నారన్న ఆరోపణలను ఆమె ప్రతినిధి ఖండించారు. అయితే అసలు మాస్కులు ఎందుకు పెట్టుకోవాలని చాలా మంది ప్రశ్నిస్తున్నారు. ఈ విషయంలో సీడీసీ నిర్ణయానికి సంబంధించిన డేటాను చూపించాలని వాళ్లు డిమాండ్ చేస్తున్నారు. కాగా, కెవిన్ మెక్‌కార్తీ అనే సభ్యుడు ‘మాస్కు తప్పనిసరి’ నిబంధనను వ్యతిరేకించడంతో పెలోసీ అతన్ని ‘మోరాన్’ (వెర్రివాడు) అంటూ నిందించిన సంగతి తెలిసిందే.
Updated Date - 2021-07-30T11:07:58+05:30 IST