అత్యాచారం జరిగినా అబార్షన్ చేయించుకోవడం నేరమే.. అమెరికాలో కొత్త చట్టం
ABN, First Publish Date - 2021-03-10T18:34:51+05:30
అమెరికాలోని అర్కన్సాస్ ప్రభుత్వం సంచలన నిర్ణయం తీసుకుంది. మరే ఇతర రాష్ట్రం తీసుకురాని విధంగా
అర్కన్సాస్: అమెరికాలోని అర్కన్సాస్ ప్రభుత్వం సంచలన నిర్ణయం తీసుకుంది. మరే ఇతర రాష్ట్రం తీసుకురాని విధంగా కొత్త అబార్షన్ చట్టాన్ని ఇక్కడి ప్రభుత్వం తీసుకొస్తోంది. అత్యాచారం, వ్యభిచారం కారణంగా గర్భం దాల్చినా అబార్షన్ చేయించడం నేరమనే విధంగా గవర్నర్ అస్సా హట్చిన్‌సన్ మంగళవారం కొత్త బిల్లుపై సంతకం చేశారు. కోర్టు అడ్డుకోకుంటే ఆగస్టు నుంచి కొత్త చట్టం అమల్లోకి వస్తుంది. దీని ప్రకారం కేవలం మెడికల్ ఎమర్జెన్సీ పరిస్థితుల్లో తప్ప అత్యాచారం, వ్యభిచారం కారణంగా కూడా అబార్షన్ చేయించుకోవడం నేరంగా పరిగణిస్తారు.
అమెరికాలోని అనేక రాష్ట్రాలు ఇప్పటికే అబార్షన్ బిల్లులను పాస్ చేశాయి. అయితే అత్యాచారం, వ్యభిచారం కేసులలో కూడా అబార్షన్ చేయడానికి అనుమతి ఉండదని ఏ రాష్ట్రం కూడా చెప్పలేదు. ఇటీవల సౌత్ కెరోలినా ఇటువంటి చట్టమే చేయగా ఫెడరల్ కోర్టు ఆ చట్టాన్ని కొట్టేసింది. దీంతో అర్కన్సాస్ ప్రభుత్వం తీసుకొస్తున్న చట్టాన్ని కూడా కోర్టు కొట్టివేయడం ఖాయమని చెబుతున్నారు. అత్యాచారం, వ్యభిచారం అంశాల్లో మాత్రం మినహాయింపు ఇచ్చేందుకు తాము సిద్దంగా ఉన్నట్టు అర్కన్సాస్ గవర్నర్ అస్సా హట్చిన్‌సన్ పేర్కొన్నారు. వాటికి మినహాయింపు ఇస్తే కోర్టు ఈ చట్టాన్ని అడ్డుకోకపోవచ్చని ఆయన చెప్పారు.
Updated Date - 2021-03-10T18:34:51+05:30 IST