కరోనాను జయించిన 105ఏళ్ల బామ్మ!
ABN, First Publish Date - 2021-02-25T07:08:24+05:30
న్యూజెర్సీకి చెందిన 105ఏళ్ల బామ్మ మహమ్మారిని జయించారు. ఈ క్రమంలో ఆమె సంతోషం వ్యక్తం చేశారు. వివరాల్లోకి వెళితే.. న్యూజెర్సీలోని ఓసియన్ కౌంటీకి చెందిన లూసియా డిక్లెర్క్ ఓల్డేజ్ హోమ్‌లో ఉం
వాషింగ్టన్: న్యూజెర్సీకి చెందిన 105ఏళ్ల బామ్మ మహమ్మారిని జయించారు. ఈ క్రమంలో ఆమె సంతోషం వ్యక్తం చేశారు. వివరాల్లోకి వెళితే.. న్యూజెర్సీలోని ఓసియన్ కౌంటీకి చెందిన లూసియా డిక్లెర్క్ ఓల్డేజ్ హోమ్‌లో ఉంటున్నారు. కాగా.. కొద్ది రోజుల క్రితం ఆమె కరోనా బారినపడ్డారు. చికిత్స తీసుకున్న ఆమె.. తాజాగా కొవిడ్-19ను జయించారు. ఈ సందర్భంగా మాట్లాడిన లూసియా డిక్లెర్క్.. మహమ్మారిని జయించడాన్ని అదృష్టంగా భావిస్తున్నట్టు పేర్కొన్నారు. ఇదిలా ఉంటే.. లూసియా డిక్లెర్క్.. తన జీవిత కాలంలో రెండు మహమ్మారిలను ఎదుర్కొన్నట్టు ఆమె మనవరాలు పేర్కొన్నారు. 1918లో స్పానిష్ ఫ్లూ విజృంభించిన సమయంలో లూసియా డిక్లెర్క్ వయసు రెండేళ్లని తెలిపారు. తాజాగా కొవిడ్-19 మహమ్మారిని జయించినట్టు చెప్పారు. కాగా.. గతనెల 25న లూసియా డిక్లెర్క్ 105వ వసంతంలోకి అడుగుపెట్టినట్టు ఆమె వెల్లడించారు.
Updated Date - 2021-02-25T07:08:24+05:30 IST