బబుల్‌గమ్‌తో కరోనాకు చెక్.. శాస్త్రవేత్తల కొత్త ఐడియా..
ABN, First Publish Date - 2021-12-08T02:59:30+05:30
రోజుకో కొత్త రూపంతో భయపెడుతున్న కరోనాకు చెక్ పెట్టేందుకు శాస్త్రవేత్తలు కూడా సరికొత్త ఆలోచనలతో ముందుకు వస్తున్నారు.
ఇంటర్నెట్ డెస్క్: రోజుకో కొత్త రూపంతో భయపెడుతున్న కరోనాకు చెక్ పెట్టేందుకు శాస్త్రవేత్తలు కూడా సరికొత్త ఆలోచనలతో ముందుకు వస్తున్నారు. ప్రస్తుతం కరోనాకు చెక్ పెట్టేందుకు వారు బబుల్‌గమ్‌ల సాయం తీసుకున్నారు. ఈ కొత్త తరహా బబుల్ గమ్‌తో నోటిలో వేసుకుంటే లాలాజలంలోని వైరస్ కణాలన్నీ బబుల్ గమ్‌కు చిక్కి వ్యాప్తి తగ్గుతుందని వారు చెబుతున్నారు. దీన్ని అభివృద్ధి చేసేందుకు ప్రయత్నాలు ప్రారంభించారు. ఓ ప్రత్యేక ప్రొటీన్ ఆధారంగా వారు ఈ బబుల్‌గమ్ రూపొందిస్తున్నారు. కరోనా వ్యాప్తిని నిరోధించడంలో టీకాలకు ఇది సహాయకారిగా ఉంటుందని వారు చెబుతున్నారు. పెన్సిల్వేనియా యూనివర్శిటీకి చెందిన డేనియల్ ఈ విషయంపై ఓ అధ్యయనాన్ని నిర్వహించారు. ఇందుకు సంబంధించిన వివరాలు జర్నల్ ఆఫ్ మైక్రోబయాలజీలో తాజాగా ప్రచురితమయ్యాయి.
Updated Date - 2021-12-08T02:59:30+05:30 IST