బ్లాక్‌ చేయకుండానే
ABN, First Publish Date - 2021-10-23T05:30:00+05:30
అకౌంట్‌ బ్లాక్‌ చేయకుండానే ఫాలోయర్‌ను తొలగించే ప్రక్రియకు ట్విట్టర్‌ శ్రీకారం చుట్టింది. మీ టైమ్‌లైన్‌, ట్వీట్స్‌ను ఎవరైనా చూడకూడదు....
అకౌంట్‌ బ్లాక్‌ చేయకుండానే ఫాలోయర్‌ను తొలగించే ప్రక్రియకు ట్విట్టర్‌ శ్రీకారం చుట్టింది. మీ టైమ్‌లైన్‌, ట్వీట్స్‌ను ఎవరైనా చూడకూడదు అనుకుంటే, ఇప్పుడిక ఆ పనిని చేయవచ్చు. అయితే, నచ్చని వ్యక్తులు అందర్నీ బ్లాక్‌ చేయడం కొందరికి ఇష్టం ఉండదు. ఆ వ్యక్తులు మాత్రం తమను ఫాలో కారాదు అనుకుంటారు. అందుకు ఈ కొత్త ఫీచర్‌ ఉపయోగపడుతుంది. దీన్నే ‘సాఫ్ట్‌ బ్లాకింగ్‌’ అని కూడా అనుకోవచ్చు. తద్వారా ఫాలోవర్స్‌పై ట్విట్టర్‌ వినియోగదారుడు కంట్రోల్‌ పొందవచ్చు. ట్రోలింగ్‌ నుంచి తప్పించుకోవచ్చు. తన ప్రైవసీని కూడా కాపాడుకోవచ్చు. ఇందుకోసం...
- పీసీ లేదంటే మొబైల్‌ యాప్‌లో ట్విట్టర్‌ అకౌంట్‌కి వెళ్ళాలి.
- ప్రొఫైల్‌ సెక్షన్‌లోకి వెళ్ళి ఫాలోవర్స్‌ లిస్టును ఓపెన్ చేయాలి.
- వద్దు అనుకుంటున్న ఫాలోవర్‌ను ఎంపిక చేసుకుని, పేరు పక్కన ‘త్రీ డాట్‌ మెనూ’ను టాప్ చేయాలి.
- ఆప్షన్స్‌లో ‘రిమూవ్‌ ద ఫాలోవర్‌’ని ఎంపిక చేసుకోవాలి.
- ఒకసారి ఇలా చేస్తే సదరు ఫాలోవర్‌ సంబంధిత జాబితా నుంచి మాత్రమే తొలగుతాడు. అప్పటికీ తను ప్రొఫైల్‌, ట్వీట్స్‌ను చూడగలుగుతారు. అది కూడా వద్దనుకుంటే మాత్రం ఆ ఫాలోవర్‌ను బ్లాక్‌ చేయాల్సిందే.
Updated Date - 2021-10-23T05:30:00+05:30 IST