ఇలా చేసి చూడండి!
ABN, First Publish Date - 2021-04-14T05:30:00+05:30
కిచెన్‌ క్యాబినెట్‌పై,. ముఖ్యంగా హ్యాండిల్స్‌ దగ్గర జిడ్డు వదలకుండా ఉంటుంది. ఈ జిడ్డు వదలాలంటే బేకింగ్‌ సోడా తీసుకుని అందులో కొంచెం హైడ్రోజన్‌ పెరాక్సైడ్‌ వేసి శుభ్రం చేయాలి
- కిచెన్‌ క్యాబినెట్‌పై,. ముఖ్యంగా హ్యాండిల్స్‌ దగ్గర జిడ్డు వదలకుండా ఉంటుంది. ఈ జిడ్డు వదలాలంటే బేకింగ్‌ సోడా తీసుకుని అందులో కొంచెం హైడ్రోజన్‌ పెరాక్సైడ్‌ వేసి శుభ్రం చేయాలి. ఇలా చేయడం వల్ల జిడ్డంతా వదిలి కొత్తదానిలా మెరుస్తుంది.
- సీలింగ్‌ ఫ్యాన్‌ శుభ్రం చేసే ముందు పాత దిండు కవర్‌ తీసుకుని ఫ్యాన్‌ రెక్కలకు తొడగాలి. తరువాత కర్రతో తుడవాలి. దుమ్ము కింద పడే అవకాశం ఉండదు.
- ఐరన్‌ బాక్స్‌పై జిడ్డు పేరుకుపోయిందా? అయితే పిల్లో కవర్‌పై కొంచెం సాల్ట్‌ వేసి ఐరన్‌ చేయాలి. ఉప్పు ఐరన్‌బాక్స్‌కు ఉన్న జిడ్డును మొత్తం తొలగిస్తుంది.
- టైల్స్‌ మధ్యలో ఉన్న గ్రౌట్‌ లైన్స్‌ మరకలు పోయి శుభ్రం కావాలంటే బేకింగ్‌సోడాలో బ్లీచ్‌ కలిపి పేస్ట్‌ మాదిరిగా చేసి గ్రౌట్‌ లైన్స్‌పై పూయాలి. పదినిమిషాల తరువాత తుడిచేయాలి.
- డైనింగ్‌ టేబుల్‌పై మరకలు పోవాలంటే అరకప్పు వెనిగర్‌ తీసుకుని అందులో అరకప్పు ఆలివ్‌ ఆయిల్‌ వేసి ఆ మిశ్రమంతో తుడవాలి. టేబుల్‌పై ఉన్న ఎటువంటి మరకలైనా తొలగిపోతాయి.
Updated Date - 2021-04-14T05:30:00+05:30 IST