పొడవుగా కనిపించాలంటే..!
ABN, First Publish Date - 2021-03-01T05:36:32+05:30
పొట్టిగా ఉండే అమ్మాయిలు పొడవుగా కనిపించాలంటే కొన్ని ఫ్యాషన్‌ టిప్స్‌ ఫాలో కావాలి. అవేమిటంటే...
పొట్టిగా ఉండే అమ్మాయిలు పొడవుగా కనిపించాలంటే కొన్ని ఫ్యాషన్‌ టిప్స్‌ ఫాలో కావాలి. అవేమిటంటే...
- పొట్టిగా ఉండే అమ్మాయిలకు హైవైస్టెడ్‌ ప్యాంట్లు, స్కర్ట్టులు, సూట్లు వేసుకున్నప్పుడు కాళ్లు పొడవుగా కనిపిస్తాయి.
- జీన్స్‌ లేదా ప్యాంట్స్‌ వేసుకుంటే మ్యాచింగ్‌ షూస్‌ వేసుకోవాలి. అలా ఒకే రంగు ప్యాంటు, షూస్‌ వేసుకోవడం వల్ల రంగు కలిసిపోయి చూడగానే పొడుగ్గా కనిపిస్తారు.
- లెగ్గింగ్స్‌, కుర్తీ వేసుకున్నప్పుడు వాటికి తగ్గ రంగు షూస్‌ ఎంచుకోవాలి.
- హైవైస్టెడ్‌ ప్యాంట్లు, స్కర్టులు వేసుకున్నప్పుడు క్రాప్‌ టాప్స్‌ ధరించాలి. షర్టులు వేసుకుంటే టక్‌ చేసుకోవాలి.
- పలాజో ప్యాంట్లు లేదా లూజు బాటమ్‌ ప్యాంట్ల మీదకు హీల్స్‌ మంచి ఎంపిక.
- పెద్ద ప్రింట్లు ఉన్న దుస్తులు ఎంచుకోవద్దు. ఎందుకంటే అవి వేసుకుంటే మరింత పొట్టిగా కనిపిస్తారు. నిలువు గీతలు ఉన్న ప్రింట్లు లేదా ‘వి’ షేప్‌ ఉన్న టీషర్ట్స్‌ షర్ట్స్‌ మంచి ఛాయిస్‌.
- టాప్ నాట్‌ హెయిర్‌ స్టయిల్‌ ఫాలో అవ్వాలి. హైబన్‌ వేసుకుని మిగతా జట్టును కిందికి వదిలేయాలి. ఈ హెయిర్‌ స్టైయిల్‌లో అస్సలు పొట్టిగా కనపడరు.
- జీన్స్‌, ఏదైనా డ్రెస్‌ మీదకు స్టయిల్‌ కోసం స్కిన్నీగా ఉండే బెల్టులను మాత్రమే వాడాలి. దాంతో అందంగా, పొడవుగా కనిపిస్తారు.
Updated Date - 2021-03-01T05:36:32+05:30 IST