ఇది గోల్డెన్‌ టార్టాయిస్‌!
ABN, First Publish Date - 2021-03-20T05:30:00+05:30
తాబేలులా ఉంటుంది. కానీ ఎగురుతుంది. బంగారు వర్ణంలో మెరిసిపోతుంది. అవసరాన్ని బట్టి రంగు మార్చుకుంటుంది. గోల్డెన్‌ టార్టాయిస్‌ బీటిల్‌ అని పిలిచే ఈ కీటకంలో ఎన్నో ప్రత్యేకతలున్నాయి
తాబేలులా ఉంటుంది. కానీ ఎగురుతుంది. బంగారు వర్ణంలో మెరిసిపోతుంది. అవసరాన్ని బట్టి రంగు మార్చుకుంటుంది. గోల్డెన్‌ టార్టాయిస్‌ బీటిల్‌ అని పిలిచే ఈ కీటకంలో ఎన్నో ప్రత్యేకతలున్నాయి.
- ఇది చూడటానికి తాబేలులా ఉంటుంది. కానీ అదొక కీటకం. ఇది 14 మి.మీల వరకు పెరుగుతుంది.
- చైనా, మయన్మార్‌, థాయ్‌లాండ్‌, కంబోడియా, వియత్నాం, ఇండొనేషియా దేశాల్లో కనిస్తుంది. మన దేశంలో ఈశాన్య రాష్ట్రాల్లో గోల్డెన్‌ టార్టాయిస్‌ బీటిల్‌ చూడొచ్చు.
- ఏదైనా ప్రమాదం ఎదురైనప్పుడు తాబేలులానే స్పందిస్తుంది. ఈ కీటకానికి రెక్కలు రక్షణ కవచల్లా ఉంటాయి. శత్రువుల నుంచి కాపాడుకోవడం కోసం చెట్ల ఆకుల వెనక దాక్కుంటుంది.
- ప్రత్యేక పరిస్థితుల్లో రంగు సైతం మార్చుకుంటుంది. ప్రమాదం ఎదురైనప్పుడు బంగారువర్ణంలో నుంచి క్షణాల్లో ఎరుపు రంగులోకి మారిపోతుంది.
Updated Date - 2021-03-20T05:30:00+05:30 IST