ఇది భూమిపైనా బతికేస్తుంది!
ABN, First Publish Date - 2021-05-15T05:30:00+05:30
నీళ్లలో నుంచి తీసి బయటవేస్తే కాసేపట్లో చేప చనిపోతుంది. కానీ ఈ చేప మాత్రం అలా కాదు. భూమిపైనా ఎంచక్కా బతికేస్తుంది. ఆ విశేషాలు ఇవి...
నీళ్లలో నుంచి తీసి బయటవేస్తే కాసేపట్లో చేప చనిపోతుంది. కానీ ఈ చేప మాత్రం అలా కాదు. భూమిపైనా ఎంచక్కా బతికేస్తుంది. ఆ విశేషాలు ఇవి...
- ఈ చేప పేరు లంగ్‌ఫిష్‌. దీని ప్రత్యేకత ఏమిటంటే నీళ్లలోనూ, భూమిపైనా జీవిస్తుంది. సాధారణంగా చేపలు నీళ్లలో నుంచి తీసి ఒడ్డున పడేస్తే ఆక్సిజన్‌ అందక చనిపోతాయి. కానీ ఈ చేప మాత్రం ఒడ్డున కూడా బతికేస్తుంది. ఇది ఆఫ్రికా, దక్షిణ అమెరికా, ఆస్ట్రేలియా దేశాల్లో కనిపిస్తుంది.
- లంగ్‌ఫిష్‌ నీళ్లలో కాకుండా భూమిపైనా బతకడానికి కారణం దానిలో శ్వాసకోశ వ్యవస్థ బాగా అభివృద్ధి చెంది ఉండటమే. దానివల్ల భూమిపైన కూడా ఆక్సిజన్‌ బాగా తీసుకోగలుగుతుంది.
- ఇది ఉండే ప్రాంతంలో ఎండలకు నీరు తగ్గి, ఎండిపోయినప్పుడు బురదలో లోపలకి వెళ్లిపోతుంది. ఆక్సిజన్‌ అందడానికి వీలుగా సన్నటి మార్గం చేసుకుంటుంది. నోరు మాత్రం బయటకు పెట్టి ఆక్సిజన్‌ తీసుకుంటుంది. వర్షాకాలంలో తిరిగి నీరు చేరగానే ఆ బురదలో నుంచి బయటకు వచ్చేస్తుంది.
Updated Date - 2021-05-15T05:30:00+05:30 IST