వారిలో అతిథి ఎవరు?
ABN, First Publish Date - 2021-10-24T09:40:52+05:30
ఒకరోజు ఒక వ్యాపారవేత్త బీర్బల్‌ను భోజనానికి ఆహ్వానించాడు. ఆ ఆహ్వానాన్ని మన్నించి బీర్బల్‌ అతని ఇంటికి వెళ్లాడు. బీర్బల్‌ చేరుకునే సమయానికి ఆ ఇంట్లో చాలా మంది ఉన్నారు.
కథ
ఒకరోజు ఒక వ్యాపారవేత్త బీర్బల్‌ను భోజనానికి ఆహ్వానించాడు. ఆ ఆహ్వానాన్ని మన్నించి బీర్బల్‌ అతని ఇంటికి వెళ్లాడు. బీర్బల్‌ చేరుకునే సమయానికి ఆ ఇంట్లో చాలా మంది ఉన్నారు. బీర్బల్‌ను చూసిన ఆ వ్యాపారవేత్త ఇంట్లోకి ఆహ్వానించాడు. ‘‘నాతో పాటు చాలా మందిని భోజనానికి ఆహ్వానించినట్టున్నారు’’ అన్నాడు బీర్బల్‌. ‘‘లేదు. వీళ్లు అతిథులు కాదు. నా దగ్గర పనిచేసే ఉద్యోగులు. అయితే ఇందులో ఒకరు మాత్రం అతిథి ఉన్నారు. అతనెవరో నువ్వు ఊహించగలవా?’’ అన్నాడు ఆ వ్యాపారవేత్త. ‘‘ఎవరినైనా ఒక జోక్‌ చెప్పమనండి. అతిథి ఎవరో నేను చెబుతాను’’ అన్నాడు బీర్బల్‌. ఆ ఉద్యోగుల్లో ఒక వ్యక్తి జోక్‌ చెప్పడంతో అందరూ పగలబడి నవ్వారు. అప్పుడు వారిలో ఒకరిని చూపిస్తూ అతనే అతిథి అన్నాడు బీర్బల్‌. ‘‘అవును. నువ్వు సరిగ్గా గుర్తించావు. ఎలా?’’ అన్నాడు వ్యాపారవేత్త ఆశ్చర్యంగా. ‘‘అందులో విశేషమేమీ లేదు. ఆ జోక్‌ నవ్వొచ్చేలా లేకున్నా అందరూ పగలబడి నవ్వారు. అతిథి మాత్రమే చిన్నగా నవ్వారు. వాళ్లు నీ ఉద్యోగులు కాబట్టి పగలబడి నవ్వారు’’ అని అన్నాడు బీర్బల్‌.
Updated Date - 2021-10-24T09:40:52+05:30 IST