బ్లాక్‌ హెడ్స్‌ వదిలించుకుందాం...
ABN, First Publish Date - 2021-05-16T05:42:00+05:30
ముఖ సౌందర్యాన్ని దెబ్బతీసే సమస్యల్లో బ్లాక్‌ హెడ్స్‌ ఒకటి. ఇవి ఎక్కువగా ముక్కు మీద కనిపిస్తూ ఉంటాయి. మళ్ళీ మళ్ళీ వస్తూ ఆందోళన కలిగిస్తాయి...
ముఖ సౌందర్యాన్ని దెబ్బతీసే సమస్యల్లో బ్లాక్‌ హెడ్స్‌ ఒకటి. ఇవి ఎక్కువగా ముక్కు మీద కనిపిస్తూ ఉంటాయి. మళ్ళీ మళ్ళీ వస్తూ ఆందోళన కలిగిస్తాయి. అయితే ఇంట్లో ఉండే వస్తువులతో సహజ సిద్ధంగా వీటిని తొలగించుకోవచ్చు. ఎలాగంటే...
- చిటికెడు పసుపును పచ్చి పాలలో కలిపి, ముఖానికి రాసుకోండి. కాసేపటి తరువాత కడిగెయ్యండి.
- ఒక టేబుల్‌ స్పూన్‌ బేకింగ్‌ సోడాను రెండు టేబుల్‌ స్పూన్ల నీటితో కలపండి. ఆ మిశ్రమాన్ని బ్లాక్‌ హెడ్స్‌ ఉన్న చోట పూయండి. పదిహేను నుంచి ఇరవై నిమిషాల తరువాత గోరు వెచ్చని నీటితో కడిగేసుకోండి.
- కోడిగుడ్డులోని తెల్ల సొనను ఒక టేబుల్‌ స్పూన్‌ తేనెలో కలపండి. దాన్ని ముఖానికి రాసుకోండి. పూర్తిగా ఎండిన తరువాత నీటితో కడగండి.
- ఒక టేబుల్‌ స్పూన్‌ గ్రీన్‌ టీ ఆకులను నీటితో కలిపి చిక్కటి ముద్దలా చెయ్యండి. దాన్ని బ్లాక్‌ హెడ్స్‌ ఉన్న ప్రదేశంలో పూసి, ఇరవై నిమిషాలు అలాగే ఉంచండి. అనంతరం గోరు వెచ్చని నీటితో ముఖం కడుక్కోండి.
ఇలా కొన్ని రోజులు చేస్తే బ్లాక్‌ హెడ్స్‌ను పూర్తిగా తొలగించుకోవడమే కాదు, మళ్ళీ రాకుండా నివారించుకోవచ్చు.
Updated Date - 2021-05-16T05:42:00+05:30 IST