పప్పులతో సరికొత్త రుచులు
ABN, First Publish Date - 2021-05-22T08:57:43+05:30
మినుములు, పెసలు, శనగలు, కందులు.. వీటిలో ప్రొటీన్లు పుష్కలం. రోజూ వీటిని ఏదో ఒక రూపంలో తీసుకుంటూనే ఉంటాం. అయితే కాస్త కొత్త రుచులను ఆస్వాదించాలంటే ఇదిగో ఈ రెసిపీలను ట్రై చేయండి. మినుములతో చేసే కబాబ్స్, పెసలతో చేసే ఢోక్లా, దాల్ మఖానీ మీ జిహ్వ చాపల్యాన్ని తీరుస్తాయి.
మినుములు, పెసలు, శనగలు, కందులు.. వీటిలో ప్రొటీన్లు పుష్కలం. రోజూ వీటిని ఏదో ఒక రూపంలో తీసుకుంటూనే ఉంటాం. అయితే కాస్త కొత్త రుచులను ఆస్వాదించాలంటే ఇదిగో ఈ రెసిపీలను ట్రై చేయండి. మినుములతో చేసే కబాబ్స్, పెసలతో చేసే ఢోక్లా, దాల్ మఖానీ మీ జిహ్వ చాపల్యాన్ని తీరుస్తాయి.
పోషక విలువలు(100గ్రాములకు)
మినుముల్లో
క్యాలరీలు - 364
ప్రొటీన్లు - 19గ్రా
కార్బోహైడ్రేట్లు - 61గ్రా
పెసర్లలో...
క్యాలరీలు - 347
ప్రొటీన్లు - 24గ్రా
కార్బోహైడ్రేట్లు - 63గ్రా
శనగలలో....
క్యాలరీలు - 378
ప్రొటీన్లు - 20గ్రా
కార్బోహైడ్రేట్లు - 63గ్రా
కందులలో...
క్యాలరీలు - 300
ప్రొటీన్లు - 20గ్రా
కార్బోహైడ్రేట్లు - 50గ్రా
దాల్ చిల్లా
కావలసినవి
పెసరపప్పు - రెండు కప్పులు, పచ్చిమిర్చి - రెండు, కొత్తిమీర - ఒకకట్ట, ఉప్పు - రుచికి తగినంత, ఆలివ్ ఆయిల్ లేదా నెయ్యి - రెండు టేబుల్స్పూన్లు, నూనె - ఒక టేబుల్స్పూన్, టోఫు - 200గ్రా, ఉల్లిపాయలు - రెండు, పసుపు - అర టీస్పూన్.
తయారీ విధానం
ముందుగా పప్పును శుభ్రంగా కడిగి నీళ్లలో రెండు గంటల పాటు నానబెట్టుకోవాలి.
తరువాత మిక్సీలో వేసి మెత్తటి పేస్టులా పట్టుకోవాలి. అవసరమైతే కొద్దిగా నీళ్లు కలుపుకోవచ్చు.
స్టవ్పై వెడల్పాటి పాన్ పెట్టి నూనె లేదా నెయ్యి వేసి కాస్త వేడి అయ్యాక మిశ్రమాన్ని వెడల్పుగా స్పూన్తో దోశ లా పోసుకోవాలి.
రెండు మూడు నిమిషాలు కాలిన తరువాత మరో వైపు తిప్పి కాల్చుకోవాలి.
స్టవ్పై మరో పాన్ పెట్టి నూనె వేసి వేడి అయ్యాక ఉల్లిపాయలు, పచ్చిమిర్చి వేసి బాగా వేగించాలి. తరువాత పసుపు వేసి తగినంత ఉప్పు వేయాలి. కాసేపు వేగిన తరువాత టోఫు వేసి మరో మూడు నాలుగు నిమిషాలు వేగించాలి. కొత్తిమీర వేయాలి.
ఇప్పుడు కాల్చి పెట్టుకున్న చిల్లాలపై టోఫు మిశ్రమం పెట్టి సర్వ్ ్ఝ
చేసుకోవాలి.
మసూర్ దాల్ కర్రీ
కావలసినవి
ఎర్ర కందిపప్పు - ఒక కప్పు, మెంతికూర - పావుకప్పు, ఉల్లిపాయ - ఒకటి, కొత్తిమీర - ఒకకట్ట, జీలకర్ర - అర టీస్పూన్, ఆవాలు - అర టీస్పూన్, గరంమసాల - ఒక టీస్పూన్, పచ్చిమిర్చి - రెండు, ఉప్పు - తగినంత, నూనె - సరిపడా, పసుపు - పావు టీస్పూన్, కరివేపాకు - కొద్దిగా, ధనియాల పొడి - ఒక టీస్పూన్.
తయారీ
ముందుగా ఎర్రకందిపప్పును నానబెట్టుకోవాలి.
స్టవ్పై పాన్ పెట్టి నూనె వేసి కాస్త వేడి అయ్యాక ఆవాలు, జీలకర్ర వేసి వేగించాలి.
తరువాత పచ్చిమిర్చి, కరివేపాకు, తరిగిన ఉల్లిపాయలు వేసి మరికాసేపు వేగనివ్వాలి.
ఇప్పుడు నానబెట్టుకున్న ఎర్రకందిపప్పు వేసి కలుపుకోవాలి.
ఉప్పు వేసి కాసేపు వేగించాలి. తరువాత ధనియాల పొడి, గరంమసాల, పసుపు వేసి కలుపుకోవాలి.
కాసేపు వేగిన తరువాత మెంతి కూర వేయాలి. మెంతి బాగా వేగే వరకు చిన్నమంటపై ఉంచుకోవాలి.
చివరగా కొత్తిమీరతో గార్నిష్ చేసుకుని దింపుకోవాలి. అంతే... మసూర్ దాల్ కర్రీ రెడీ.
ఢోక్లా
కావలసినవి: పెసలు - అరకప్పు, పచ్చిమిర్చి పేస్టు - ఒక టీస్పూన్, రవ్వ - ఒక టేబుల్స్పూన్, శనగపిండి - ఒక టేబుల్స్పూన్, పసుపు - పావు టీస్పూన్, పంచదార - నాలుగు టీస్పూన్లు, నిమ్మరసం - ఒక టేబుల్స్పూన్, ఉప్పు - రుచికి తగినంత, నూనె - సరిపడా, ఈనో పౌడర్ - ఒక టీస్పూన్.
తయారీ విధానం
పెసలను ముందు రోజు రాత్రి నానబెట్టుకోవాలి.
ఉదయాన నీళ్లు తీసివేసి పచ్చిమిర్చి వేసి గ్రైండ్ చేసుకోవాలి.
ఈ మిశ్రమాన్ని పాత్రలోకి తీసుకుని అందులో రవ్వ, శనగపిండి వేసి కలపాలి. అవసరమైతే కొద్దిగా నీళ్లు కలుపుకోవాలి.
తరువాత కొద్దిగా నూనె, నిమ్మరసం, ఉప్పు వేసి కలుపుకోవాలి.
ఇప్పుడు కుక్కర్లో నీళ్లు పోసి మరిగించాలి. ఈలోగా ఢోక్లా మేకింగ్ ప్లేట్లకు నూనె రాసి పెట్టుకోవాలి.
మిశ్రమంలో ఈనో కలపాలి. ఈనో కలిపిన వెంటనే మిశ్రమంలో బుడగలు వస్తాయి. మిశ్రమం రెట్టింపవుతుంది. వెంటనే మిశ్రమాన్ని ప్లేట్లలో పోయాలి.
ప్లేట్లను కుక్కర్లో పెట్టి పావుగంట పాటు ఉడికించాలి.
ఆవిరిపోయిన తరువాత తీసి సర్వ్ చేసుకోవాలి.
కబాబ్స్
కావలసినవి
మినుములు - రెండు కప్పులు, కారం - ఒక టీస్పూన్, మామిడికాయ పొడి - ఒక టీస్పూన్, గరంమసాల - పావు టీస్పూన్, వేగించిన జీలకర్ర పొడి - ఒక టీస్పూన్, అల్లం - చిన్నముక్క, వెల్లుల్లి రెబ్బలు - రెండు, కొత్తిమీర - కొద్దిగా, కొబ్బరితురుము - ఒక టీస్పూన్, ఉప్పు - రుచికి తగినంత, నూనె - సరిపడా.
తయారీ విధానం:
ముందుగా మినుములు రాత్రి నానబెట్టుకోవాలి.
నానబెట్టిన మినుములలో నుంచి నీళ్లను తీసివేసి, అల్లం, వెల్లుల్లి రెబ్బలు వేసి గ్రైండ్ చేసుకోవాలి.
ఆ మిశ్రమంలో కారం, మామిడికాయ పొడి, గరంమసాల, జీలకర్రపొడి, కొబ్బరితురుము, కొత్తిమీర తగినంత ఉప్పు వేసి బాగా కలుపుకోవాలి.
ఇప్పుడు మిశ్రమాన్ని కొద్ది కొద్దిగా తీసుకుంటూ కబాబ్లుగా చేసుకుంటూ నూనెలో డీప్ ఫ్రై చేసుకోవాలి.
సాస్ లేదా చట్నీతో వేడివేడిగా సర్వ్ చేయాలి.
దాల్ చిల్లా
కావలసినవి
పెసరపప్పు - రెండు కప్పులు, పచ్చిమిర్చి - రెండు, కొత్తిమీర - ఒకకట్ట, ఉప్పు - రుచికి తగినంత, ఆలివ్ ఆయిల్ లేదా నెయ్యి - రెండు టేబుల్స్పూన్లు, నూనె - ఒక టేబుల్స్పూన్, టోఫు - 200గ్రా, ఉల్లిపాయలు - రెండు, పసుపు - అర టీస్పూన్.
తయారీ విధానం
ముందుగా పప్పును శుభ్రంగా కడిగి నీళ్లలో రెండు గంటల పాటు నానబెట్టుకోవాలి.
తరువాత మిక్సీలో వేసి మెత్తటి పేస్టులా పట్టుకోవాలి. అవసరమైతే కొద్దిగా నీళ్లు కలుపుకోవచ్చు.
స్టవ్పై వెడల్పాటి పాన్ పెట్టి నూనె లేదా నెయ్యి వేసి కాస్త వేడి అయ్యాక మిశ్రమాన్ని వెడల్పుగా స్పూన్తో దోశ లా పోసుకోవాలి.
రెండు మూడు నిమిషాలు కాలిన తరువాత మరో వైపు తిప్పి కాల్చుకోవాలి.
స్టవ్పై మరో పాన్ పెట్టి నూనె వేసి వేడి అయ్యాక ఉల్లిపాయలు, పచ్చిమిర్చి వేసి బాగా వేగించాలి. తరువాత పసుపు వేసి తగినంత ఉప్పు వేయాలి. కాసేపు వేగిన తరువాత టోఫు వేసి మరో మూడు నాలుగు నిమిషాలు వేగించాలి. కొత్తిమీర వేయాలి.
ఇప్పుడు కాల్చి పెట్టుకున్న చిల్లాలపై టోఫు మిశ్రమం పెట్టి సర్వ్ ్ఝ చేసుకోవాలి.
దాల్ మఖాని
కావలసినవి
నల్ల మినప్పప్పు - రెండు కప్పులు, అల్లం - చిన్నముక్క, వెన్న - రెండు టేబుల్స్పూన్లు, నూనె - ఒకటేబుల్స్పూన్, షాజీర - రెండు టీస్పూన్లు, మెంతులు - ఒక టీస్పూన్, టొమాటో ప్యూరీ - రెండు కప్పులు, కారం - ఒక టీస్పూన్, పంచదార - ఒక టీస్పూన్, క్రీమ్ - అరకప్పు, పచ్చిమిర్చి - నాలుగైదు, ఉప్పు - తగినంత.
తయారీ విధానం
ముందుగా కుక్కర్లో పప్పు వేసి, కొద్దిగా ఉప్పు, అల్లం ముక్క వేసి తగినన్ని నీళ్లు పోసి ఉడికించాలి.
స్టవ్పై పాన్ పెట్టి కొద్దిగా వేడి అయ్యాక వెన్న వేయాలి. తరువాత నూనె వేయాలి. కాస్త వేడి అయ్యాక షాజీర, మెంతులు వేసి వేగించాలి. తరువాత టొమాటో ప్యూరీ వేయాలి. కారం, పంచదార, తగినంత ఉప్పు వేసి మరికాసేపు వేగనివ్వాలి.
చిన్నమంటపై నూనె విడిపోయే వరకు ఉడికించాలి. ఇప్పుడు ఉడికించి పెట్టుకున్న పప్పు వేయాలి. పప్పు మరీ గట్టిగా లేకుండా చూసుకోవాలి. అవసరమైతే కొన్ని నీళ్లు కలుపుకోవచ్చు.
చివరగా పచ్చిమిర్చితో గార్నిష్ చేసి సర్వ్ చేసుకోవాలి.
Updated Date - 2021-05-22T08:57:43+05:30 IST