గ్రీన్‌ టీలో కొవిడ్‌తో పోరాడే లక్షణాలు!
ABN, First Publish Date - 2021-06-06T05:30:00+05:30
ఆరోగ్యకర జీవన విధానానికి గ్రీన్‌ టీ ఎంతో దోహదపడుతుంది. అధిక బరువు తదితర సమస్యలకు ఇది
ఆరోగ్యకర జీవన విధానానికి గ్రీన్‌ టీ ఎంతో దోహదపడుతుంది. అధిక బరువు తదితర సమస్యలకు ఇది ఔషధంలా పనిచేస్తుంది. అంతేకాదు... గ్రీన్‌ టీ కొవిడ్‌-19తో కూడా పోరాడగలదని తాజా అధ్యయనం ఒకటి తేల్చింది. గ్రీన్‌ టీలో ఉండే ‘గలోకాటెచిన్‌’ అనే సమ్మేళనాన్ని కనుగొన్న శాస్త్రవేత్తలు... అది సార్స్‌-కోవ్‌-2ను ఎదుర్కోగల ఔషధ అభివృద్ధికి సహకరిస్తుందని పేర్కొన్నారు. అమెరికాలోని ‘స్వాన్సియా యూనివర్సిటీ’ జరిపిన ఈ అధ్యయనం ‘ఆర్‌ఎస్‌సీ అడ్వాన్సెస్‌’ అనే జర్నల్‌లో ప్రచురితమైంది.
అయితే దీనిపై మరింత విస్తృత పరిశోధన చేయాల్సి ఉందని ఈ పరిశోధనకు నేతృత్వం వహిస్తున్న వర్సిటీ అసోసియేట్‌ ప్రొఫెసర్‌ డాక్టర్‌ సురేశ్‌ మోహన్‌కుమార్‌ వెల్లడించారు. ‘స్వాన్సియా యూనివర్సిటీకి’ వెళ్లకముందు ఆయన ఊటీలోని ‘జేఎస్‌ఎస్‌ కాలేజీ ఆఫ్‌ ఫార్మసీ’లో విధులు నిర్వర్తించారు. ‘‘ప్రస్తుతం ఈ పరిశోధన ఆరంభ దశలోనే ఉంది. కానీ కొవిడ్‌తో పోరాడగలిగే గుణాలు ఇందులో ఉన్నాయి. ఇది మా పరిశోధనను ముందుకు తీసుకువెళ్లడానికి ప్రోత్సాహాన్నిస్తుంది’’ అని సురేశ్‌ తెలిపారు.
Updated Date - 2021-06-06T05:30:00+05:30 IST