రేపటి నుంచి మెట్రోరైలు వేళల్లో మార్పులు
ABN, First Publish Date - 2021-12-31T16:17:43+05:30
చెన్నై మెట్రోరైలు సేవలు శనివారం (జనవరి 1వ తేదీ) నుంచి మారనున్నాయి. ప్రస్తుతం సాధారణ రోజులు (సోమవారం నుంచి శనివారం) వరకు తెల్లవారుజామున 5.30 నుంచి రాత్రి 11 గంటల వరకు మెట్రోరైళ్లు నడుపుతున్నారు.
పెరంబూర్‌(చెన్నై): చెన్నై మెట్రోరైలు సేవలు శనివారం (జనవరి 1వ తేదీ) నుంచి మారనున్నాయి. ప్రస్తుతం సాధారణ రోజులు (సోమవారం నుంచి శనివారం) వరకు తెల్లవారుజామున 5.30 నుంచి రాత్రి 11 గంటల వరకు మెట్రోరైళ్లు నడుపుతున్నారు. రద్దీ సమయాలైన ఉదయం 8 నుంచి 11 గంటలు, సాయంత్రం 5 నుంచి రాత్రి 8 గంటల వరకు 5 నిమిషాలకు ఒక రైలు, మిగిలిన సమయాల్లో 10 నిమిషాలకు ఒక రైలు నడుపుతున్నారు. 2022 జనవరి 1 నుంచి మెట్రోరైలు సేవలు ఆదివారాల్లో యధావిధిగా ఉదయం 7 నుంచి రాత్రి 10 గంటల వరకు 10 నిమిషాలకు ఒక రైలు నడుపనున్నారు. ప్రభుత్వ సెలవు రోజుల్లో సాధారణంగా ఉదయం 7 నుంచి రాత్రి 10 గంటల వరకు నడుపుతున్న రైళ్లు, జనవరి 1వ తేదీ నుంచి తెల్లవారుజామున 5.30 నుంచి రాత్రి 10 గంటల వరకు 10 నిముషాలకు ఒక రైలు నడుపనున్నట్టు సీఎంఆర్‌ఎల్‌ తెలియజేసింది.
Updated Date - 2021-12-31T16:17:43+05:30 IST