డెల్టా వైరస్ వ్యాప్తి నిరోధానికి విస్తృత స్థాయి పరీక్షలేవీ? : రాహుల్ గాంధీ
ABN, First Publish Date - 2021-06-25T19:51:58+05:30
కోవిడ్-19కు చెందిన డెల్టా ప్లస్ వేరియంట్ వ్యాప్తిని నిరోధించేందుకు
న్యూఢిల్లీ : కోవిడ్-19కు చెందిన డెల్టా ప్లస్ వేరియంట్ వ్యాప్తిని నిరోధించేందుకు విస్తృత స్థాయిలో పరీక్షలు ఎందుకు నిర్వహించడం లేదని కాంగ్రెస్ నేత రాహుల్ గాంధీ నిలదీశారు. ఈ వేరియంట్‌పై ప్రస్తుత వ్యాక్సిన్లు సమర్థవంతంగా పని చేస్తాయో, లేదో స్పష్టం చేయాలని డిమాండ్ చేశారు.
రాహుల్ గాంధీ శుక్రవారం ఇచ్చిన ట్వీట్‌లో డెల్టా ప్లస్ వేరియంట్‌పై మోదీ ప్రభుత్వానికి ప్రశ్నలు సంధించారు. ఈ వేరియంట్ వ్యాప్తిని నిరోధించేందుకు విస్తృత స్థాయిలో పరీక్షలను ఎందుకు నిర్వహించడం లేదని ప్రశ్నించారు. దీనిని ఎదుర్కొనడంలో వ్యాక్సిన్ల సమర్థత ఏమిటో చెప్పాలని కోరారు. దీనిపై సంపూర్ణ సమాచారం ఎప్పటికి అందుబాటులోకి వస్తుందో చెప్పాలన్నారు. ఈ వైరస్ మూడో ప్రభంజనంలో దీనిని నియంత్రించేందుకు రూపొందించిన ప్రణాళిక ఏమిటని అడిగారు.
కోవిడ్-19లో ఓ రూపాంతరం డెల్టా ప్లస్. ఇది వేగంగా వ్యాపిస్తుందని నిపుణులు చెప్తున్నారు. దీనిపై అనేక అధ్యయనాలు జరుగుతున్నాయి. ఇది ఆందోళనకరమైన వైరస్ అని కేంద్ర ఆరోగ్య మంత్రిత్వ శాఖ తెలిపింది.
Updated Date - 2021-06-25T19:51:58+05:30 IST