ఈరోజూ తగ్గిన పెట్రోల్, డీజిల్ ధరలు...ఎంతంటే?
ABN, First Publish Date - 2021-03-30T14:46:12+05:30
దేశంలోని ప్రభుత్వ చమురు కంపెనీలు వరుసగా...
న్యూఢిల్లీ: దేశంలోని ప్రభుత్వ చమురు కంపెనీలు వరుసగా నాలుగవ రోజు కూడా పెట్రోల్, డీజిల్ ధరలను తగ్గించాయి. ఈరోజు లీటర్ పెట్రోల్ ధర 22 పైసలు, డీజిల్ ధర 23 పైసల మేరకు తగ్గింది. ఈ తగ్గింపు తర్వాత ఈరోజు ఢిల్లీలో లీటరు పెట్రోల్ ధర రూ. 90.56 పైసలు ఉండగా, డీజిల్ ధర రూ. 80.87 పైసలుగా ఉంది. ముంబైలో లీటరు పెట్రోల్ ధర రూ.96.98 పైసలుగా ఉండగా, డీజిల్ ధర రూ.87.96 పైసలుగా ఉంది.
దీనికి ముందు మార్చి 24, 25 తేదీలలో కూడా పెట్రోల్, డీజిల్ ధరలు తగ్గాయి. కాగా ప్రతిరోజూ ఉదయం 6 గంటలకు పెట్రోల్, డీజిల్ ధరలలో మార్పులు చోటుచేసుకుంటాయి. పెట్రోల్, డీజిల్ ధరలపై ఎక్సైజ్ డ్యూటీ, డీలర్ కమిషన్ ఇతర రుసుములు తోడవడంతో దాని ధర రెండింతలవుతోంది. గత నెల అంటే ఫిబ్రవరి 10 నుంచి 26 మధ్యకాలంలో స్వదేశీ పెట్రోలు కంపెనీలు పెట్రోల్, డీజిల్ ధరలను లీటరుకు 4 నుంచి 5 రూపాయాల వరకూ పెంచాయి.
Updated Date - 2021-03-30T14:46:12+05:30 IST