ఇక హైస్పీడ్‌ అభ్యాసం!
ABN, First Publish Date - 2021-10-23T07:57:35+05:30
దేశీయంగా అభివృద్ధి చేసిన హై-స్పీడ్‌ ఎక్స్‌పాండబుల్‌ ఏరియల్‌ టార్గెట్‌(హీట్‌) అభ్యా్‌సను భారత్‌ శుక్రవారం విజయవంతంగా పరీక్షించింది....
ఒడిశాలో పరీక్షించిన డీఆర్‌డీఓ
బాలాసోర్‌, అక్టోబరు 22: దేశీయంగా అభివృద్ధి చేసిన హై-స్పీడ్‌ ఎక్స్‌పాండబుల్‌ ఏరియల్‌ టార్గెట్‌(హీట్‌) అభ్యా్‌సను భారత్‌ శుక్రవారం విజయవంతంగా పరీక్షించింది. ఒడిశాలోని చండీపూర్‌ ఇంటిగ్రేటెడ్‌ టెస్ట్‌ రేంజ్‌(ఐటీఆర్‌) వద్ద ఈ పరీక్ష నిర్వహించినట్లు రక్షణ పరిశోధన అభివృద్ధి సంస్థ(డీఆర్‌డీఓ) వర్గాలు తెలిపాయి. వివిధ క్షిపణి వ్యవస్థల పనితీరును అంచనా వేసేందుకు గగనతల లక్ష్యంగా దీన్ని ఉపయోగించుకోవచ్చని, టెలిమెట్రీ, ఇతర సెన్సార్ల ద్వారా దీని పనితీరును పర్యవేక్షించవచ్చని స్పష్టం చేశాయి. విజయవంతంగా పరీక్షను నిర్వహించిన డీఆర్‌డీఓను రక్షణ మంత్రి రాజ్‌నాథ్‌ సింగ్‌ అభినందించారు.
Updated Date - 2021-10-23T07:57:35+05:30 IST