సింగర్‌కు కరోనా.. కోమాలో ఉండగానే ప్రసవం..బిడ్డ పుట్టిన రెండు రోజులకే..
ABN, First Publish Date - 2021-08-11T20:44:11+05:30
మలేషియాకు చెందిన ప్రముఖ సింగర్ శారా రయీసుద్దీన్(36) కరోనాతో పోరాడుతూ మృతి చెందారు.
కౌలాలంపూర్: మలేషియాకు చెందిన ప్రముఖ సింగర్ శారా రయీసుద్దీన్(36) కరోనాతో పోరాడుతూ మృతి చెందారు. గత శుక్రవారం ఆమె కోమాలో ఉండగానే బిడ్డకు జన్మనిచ్చారు. ఆ తరువాత రెండు రోజులకే మృత్యువాత పడ్డారు. శారా పరిస్థితి దృష్ట్యా వైద్యులు ఆమెను కోమాలోకి పంపించాల్సి వచ్చింది. శాస్త్రపరిభాషలో దీన్ని మెడికల్లీ ఇన్‌డ్యూస్డ్ కోమా అంటారు. అలా కోమాలో ఉండగానే ఆమె ప్రసవించారు. ఆ తరువాత..ఆరోగ్య పరిస్థితి విషమించి మరణించారు. ‘‘నర్సులు, డాక్టర్ల సాయంతో నేను నా భార్యకు వీడియో కాల్ చేయగలిగా.. నేను, పిల్లలు ఆమెను ప్రాణాలతో చూడటం అదే చివరిసారి’’ అని ఆమె భర్త కన్నీటిపర్యంతమయ్యారు.
Updated Date - 2021-08-11T20:44:11+05:30 IST