నోబెల్ గ్రహీత కైలాష్ సత్యార్థి భత్రతా సిబ్బందిపై సెక్స్ ట్రాఫికర్ల దాడి
ABN, First Publish Date - 2021-12-14T02:40:23+05:30
రాజస్తాన్‌లోని బ్రోతల్ హౌస్ నుంచి నలుగురు మైనర్ బాలికలను కాపాడుతున్న క్రమంలో సెక్స్ ట్రాఫికర్లు, బ్రోతలు ఓనర్లు నా సహచరులు, పోలీసు భద్రతా సిబ్బందిపై దాడికి పాల్పడ్డారు. మా వాళ్లను విపరీతంగా కొట్టారు. మావాళ్లు కాపాడిన బాలికల వయసు 11 ఏళ్లు మాత్రమే ఉంటాయి..
జైపూర్: నోబెల్ శాంతి బహుమతి గ్రహీత కైలాష్ సత్యార్థి సహచరులతో పాటు భద్రతా నిమిత్తం వచ్చిన పోలీసులపై సెక్స్ ట్రాఫికర్లు, బ్రోతలు ఓనర్లు దాడికి పాల్పడ్డారు. రాజస్తాన్‌లో సోమవారం జరిగిందీ దారుణం. బలవంతంగా పడుపు వృత్తిలోకి మైనర్ బాలికలను దింపుతున్నారని సమాచారం అందుకుని వారిని రక్షించడానికి వెళ్లగా ఈ ఘటన జరిగినట్లు ఆయన తన అధికారిక ట్విట్టర్ ఖాతా ద్వారా వెల్లడించారు. అంతే కాకుండా తన సహచరులు, భద్రతా సిబ్బందిపై సెక్స్ ట్రాఫికర్లు, బ్రోతలు ఓనర్లు చేసిన దాడికి సంబంధించిన చిత్రాలను కైలాష్ సత్యార్థి షేర్ చేశారు.
అనంతరం ‘‘రాజస్తాన్‌లోని బ్రోతల్ హౌస్ నుంచి నలుగురు మైనర్ బాలికలను కాపాడుతున్న క్రమంలో సెక్స్ ట్రాఫికర్లు, బ్రోతలు ఓనర్లు నా సహచరులు, పోలీసు భద్రతా సిబ్బందిపై దాడికి పాల్పడ్డారు. మా వాళ్లను విపరీతంగా కొట్టారు. మావాళ్లు కాపాడిన బాలికల వయసు 11 ఏళ్లు మాత్రమే ఉంటాయి. ఇలాంటి గృహాల్లో బంధీ అయిన వారిని రక్షించడం చాలా కష్టమైన పనే. అయితే ప్రతి బాలికకు స్వేచ్ఛను అందించే వరకు ఎన్ని దాడులు ఎదురైనా మేము ముందుకు వెళ్తూనే ఉంటాం’’ అని కైలాష్ సత్యార్థి ట్వీట్ చేశారు.
Updated Date - 2021-12-14T02:40:23+05:30 IST