ఎన్నికల ముందు బీజేపీకి షాక్.. పార్టీకి, ఎమ్మెల్యే పదవికి కార్లోస్ రాజీనామా
ABN, First Publish Date - 2021-12-21T23:21:56+05:30
ఫిబ్రవరిలో 40 స్థానాలున్న గోవా అసెంబ్లీకి ఎన్నికలు జరగనున్నాయి. ప్రస్తుతం గోవాలో భారతీయ జనతా పార్టీనే అధికారంలో ఉంది. ఇన్నాళ్లు ప్రతిపక్షంగా కాంగ్రెస్ ఉన్నప్పటికీ ఆ పార్టీ నేతలందరినీ తమ వైపుకు తిప్పుకుని టీఎంసీ ప్రత్యామ్నాయంగా ఎదగాలని చూస్తోంది..
పనాజీ: కొద్ది రోజుల్లో గోవా అసెంబ్లీకి ఎన్నికలు జరగబోతున్నాయి. ఇంతలో అధికారంలో ఉన్న భారతీయ జనతా పార్టీకి పెద్ద షాక్ ఎదురైంది. ఆ పార్టీ నేత గోవా శాసనసభ సభ్యుడు కార్లోస్ అల్మీడా రాజీనామా చేశారు. ఎమ్మెల్యే పదవితో పాటు భారతీయ జనతా పార్టీ ప్రాథమిక సభ్యత్వానికి కూడా రాజీనామా చేసినట్లు మంగళవారం ఆయన ప్రకటించారు. తన రాజీనామాను అసెంబ్లీ సెక్రెటరీ నర్మత ఉల్మాన్‌కు అందించారు.
ఫిబ్రవరిలో 40 స్థానాలున్న గోవా అసెంబ్లీకి ఎన్నికలు జరగనున్నాయి. ప్రస్తుతం గోవాలో భారతీయ జనతా పార్టీనే అధికారంలో ఉంది. ఇన్నాళ్లు ప్రతిపక్షంగా కాంగ్రెస్ ఉన్నప్పటికీ ఆ పార్టీ నేతలందరినీ తమ వైపుకు తిప్పుకుని టీఎంసీ ప్రత్యామ్నాయంగా ఎదగాలని చూస్తోంది. ఇప్పటికే టీఎంసీ పెద్ద ఎత్తున కార్యక్రమాలను నిర్వహిస్తూ పార్టీ చేరికలను ప్రోత్సహిస్తోంది. ఇలాంటి తరుణంలో కార్లోస్ రాజీనామాపై కొన్ని ప్రశ్నలు వెలువడుతున్నాయి. బీజేపీకి రాజీనామా అనంతరం ఆయన టీఎంసీలో చేరతాడా అనే అనుమానాలు వ్యక్తమవుతున్నాయి.
Updated Date - 2021-12-21T23:21:56+05:30 IST