Facebook మరో సంచలన నిర్ణయం.. ఇకపై..!
ABN, First Publish Date - 2021-11-03T08:21:38+05:30
Facebook మరో సంచలన నిర్ణయం.. ఇకపై..!
- ఫేస్‌ రికగ్నిషన్‌ ఫీచర్‌కు ఎఫ్‌బీ గుడ్‌బై
మెన్లో పార్క్‌, నవంబరు 2 : మీరు ఫేస్‌బుక్‌లో ‘ఫేస్‌ రికగ్నిషన్‌’ ఫీచర్‌ను వాడుతున్నారా ? ఫొటోలు, వీడియోల్లో మీ ఫొటోను ఇట్టే గుర్తుపట్టే ఆ ఫీచర్‌ ఇకపై అందుబాటులో ఉండదు. ఎందుకంటే.. దాన్ని త్వరలోనే నిలిపివేయనున్నట్లు ఫేస్‌బుక్‌ మాతృసంస్థ ‘మెటా’ ప్రకటించింది.
ఈ ఫీచర్‌ ద్వారా తమ డేటాబేస్‌లో నిక్షిప్తమైన 100 కోట్ల మందికిపైగా వినియోగదారుల ఫొటో టెంప్లేట్‌లను డిలీట్‌ చేస్తామని వెల్లడించింది. ఈమేరకు మెటా వైస్‌ ప్రెసిడెంట్‌ (ఏఐ విభాగం) జెరోమ్‌ పెసెంటి ఓ ప్రకటన విడుదల చేశారు. ఫేషియల్‌ రికగ్నిషన్‌ పరిజ్ఞానంపై సమాజంలో రేకెత్తుతున్న ఆందోళనల దృష్ట్యా ప్రస్తుతానికి దానికి సంబంధించిన సేవలను నిలిపివేయడమే మంచిదనే నిర్ణయానికి వచ్చినట్లు తెలిపారు.
Updated Date - 2021-11-03T08:21:38+05:30 IST