అవినీతి మచ్చ లేకుండా తప్పుకున్నా: బాబుల్‌
ABN, First Publish Date - 2021-07-08T08:07:15+05:30
కేంద్ర సహాయ మంత్రి పదవికి రాజీనామా చేసిన నేపథ్యంలో బీజేపీ ఎంపీ బాబుల్‌ సుప్రియో బుధవారం భావోద్వేగభరిత పోస్ట్‌ చేశారు.
న్యూఢిల్లీ, జూలై 7: కేంద్ర సహాయ మంత్రి పదవికి రాజీనామా చేసిన నేపథ్యంలో బీజేపీ ఎంపీ బాబుల్‌ సుప్రియో బుధవారం భావోద్వేగభరిత పోస్ట్‌ చేశారు. ‘కొందరు మీడియా మిత్రులు నాకు ఫోన్లు చేస్తున్నారు. అయితే, వారితో మాట్లాడే పరిస్థితిలో లేను. ఈ పోస్టులో వివరణ ఇస్తున్నాను. అవును.. నేను మంత్రి పదవికి రాజీనామా చేశాను. ఆ పదవి ద్వారా ఇన్నాళ్లు దేశానికి సేవ చేసే అవకాశం ఇచ్చిన ప్రధాని మోదీకి కృతజ్ఞతలు. ఎలాంటి అవినీతి మచ్చ లేకుండా బాధ్యతల నుంచి తప్పుకుంటున్నందుకు సంతోషంగా ఉంది. కేంద్రమంత్రులుగా ప్రమాణ స్వీకారం చేసిన బెంగాల్‌ నేతలకు శుభాకాంక్షలు తెలుపుతున్నాను’ అని పేర్కొన్నారు.
Updated Date - 2021-07-08T08:07:15+05:30 IST