1. • Home » National » ballari mining collage permition

బళ్లారిలో మైనింగ్‌ కళాశాల ఏర్పాటుకు అనుమతి

బళ్లారి, విజయనగర శ్రీకృష్ణదేవరాయ విశ్వవిద్యాలయంలో మైనింగ్‌ కళాశాల ఏర్పాటుకు ప్రభుత్వం అనుమతి ఇచ్చింది. త్వరలో ఈ కళాశాల ఏర్పాట్లను పరిశీలించేందుకు గనుల శాఖ మంత్రి

బళ్లారి(కర్ణాటక): బళ్లారి, విజయనగర శ్రీకృష్ణదేవరాయ విశ్వవిద్యాలయంలో మైనింగ్‌ కళాశాల ఏర్పాటుకు ప్రభుత్వం అనుమతి ఇచ్చింది. త్వరలో ఈ కళాశాల ఏర్పాట్లను పరిశీలించేందుకు గనుల శాఖ మంత్రి మురుగేశ్‌ నీరాణి బళ్లారికి వస్తున్నట్లు అధికారులు తెలిపారు. ఈ జిల్లాల్లో అపార ఇనుమ ఖనిజాలు ఉండటంతో సుమారు రూ. 196 కోట్లతో ఈ కళాశాల ఏర్పాటుకు అధికారులు ప్రతిపాదనలు పంపారు. కళాశాల ఆవరణంలోని సుమారు 4.5 ఎకరాల్లో దీన్ని ఏర్పాటు చేయనున్నారు.  

దేశంలోనే ఇది రెండోది: దేశంలో ప్రస్తుతం ఇలాంటి కాలేజీ జార్ఖండ్‌లో మాత్రమే ఉంది. బళ్లారిలో ఏర్పాటు చేయబోయేది దేశంలోనే రెండోది కానుందని అధికారులు చెప్పారు. ఇక్కడ ఈ కళాశాల ఏర్పాటు చేస్తే సాంకేతిక పరంగా విద్యార్థులకు చాలా ఉపయోగకరంగా ఉంటుందని,  నిరుద్యోగ సమస్యనూ అధికమించవచ్చని అభిప్రాయపడ్డారు. కేవలం బళ్లారి జిల్లాలో సుమారు 40కి పైగా ఇనుప గనులున్నాయని, వీటిలో అనేక సాంకేతిక రంగాల్లో వేలాది మంది అవసరం ఉందని అన్నారు.