‘ఇప్పటికే బుక్ చేసుకున్న కొవిషీల్డ్ రెండో డోస్ అపాయింట్‌మెంట్లు రద్దుకాబోవు’
ABN, First Publish Date - 2021-05-17T02:16:31+05:30
కొవిషీల్డ్ రెండో డోసు వ్యాక్సిన్ కోసం ఇప్పటికే ఆన్‌లైన్‌లో
న్యూఢిల్లీ : కొవిషీల్డ్ రెండో డోసు వ్యాక్సిన్ కోసం ఇప్పటికే ఆన్‌లైన్‌లో బుక్ చేసుకున్న అపాయింట్‌మెంట్లు రద్దు కాబోవని కేంద్ర ఆరోగ్య మంత్రిత్వ శాఖ ఆదివారం ప్రకటించింది. కొవిన్ ప్లాట్‌ఫామ్‌పై ఈ అపాయింట్‌మెంట్లు రద్దు కాబోవని తెలిపింది. అయితే కొవిన్ డిజిటల్ పోర్టల్‌లో కొన్ని మార్పులు చేశామని, దీని ప్రకారం తొలి డోస్ వేసుకున్న తర్వాత లబ్ధిదారుకు 84 రోజుల కన్నా తక్కువ వ్యవధిలో రెండో డోసు కోసం ఆన్‌లైన్ లేదా ఆన్-సైట్ అపాయింట్మెంట్ మంజూరు కాదని వివరించింది. ఈ నిబంధన కొత్తగా అపాయింట్మెంట్ కోసం ప్రయత్నించేవారికి మాత్రమే వర్తిస్తుందని వివరించింది.
కొవిషీల్డ్ వ్యాక్సిన్ మొదటి, రెండో డోసుల మధ్య వ్యవధిని 12-16 వారాలకు పెంచాలని ఎన్‌కే అరోరా నేతృత్వంలోని కోవిడ్ వర్కింగ్ గ్రూపు సిఫారసు చేసింది. ఈ సిఫారసును కేంద్ర ప్రభుత్వం మే 13న అమలు చేసింది. ఈ మార్పులను రాష్ట్రాలకు, కేంద్ర పాలిత ప్రాంతాలకు తెలియజేసినట్లు కేంద్ర ఆరోగ్య మంత్రిత్వ శాఖ తెలిపింది.
Updated Date - 2021-05-17T02:16:31+05:30 IST