'ఉపా' కింద 4,690 మంది అరెస్ట్: కేంద్రం
ABN, First Publish Date - 2021-12-23T17:49:05+05:30
2018 నుంచి 2020 మధ్య ఉపా కింద అరెస్టైన వారి వివరాలు ఈ విధంగా ఉన్నాయి. 2018లో 1,421 మంది ఉపా చట్టం కింద అరెస్ట్ కాగా, 35 మందికి శిక్ష ఖరారైంది. ఇక 2019లో 1,948 అరెస్ట్ కాగా 34 మందికి శిక్ష పడింది..
న్యూఢిల్లీ: దేశ వ్యతిరేక కార్యకలాపాలను నిరోధించేందుకు తీసుకువచ్చిన ఉగ్రవాద వ్యతిరేక చట్టం ‘ఉపా’ (చట్టవ్యతిరేక కార్యకలాపాల నిరోధక) చట్టం కింద గడిచిన మూడేళ్లలో 4,690 మందిని అరెస్ట్ చేసినట్లు కేంద్ర హోంశాఖ సహాయ మంత్రి నిత్యానంద్ రాయ్ గురువారం రాజ్యసభలో వెల్లడించారు. సభలో అడిగిన ఓ ప్రశ్నకు ఆయన రాతపూర్వకంగా సమాధానం ఇస్తూ.. ఈ వివరాలను సభలో వెల్లడించారు. ఉపా చట్టం కింద అరెస్టైన వారలో 149 మందికి శిక్ష ఖరారైందని పేర్కొన్నారు.
2018 నుంచి 2020 మధ్య ఉపా కింద అరెస్టైన వారి వివరాలు ఈ విధంగా ఉన్నాయి. 2018లో 1,421 మంది ఉపా చట్టం కింద అరెస్ట్ కాగా, 35 మందికి శిక్ష ఖరారైంది. ఇక 2019లో 1,948 అరెస్ట్ కాగా 34 మందికి శిక్ష పడింది. 2020లో 1,321 అరెస్ట్ అయితే అందులో 80 మందికి శిక్ష పడిందని కేంద్ర మంత్రి పేర్కొన్నారు.
Updated Date - 2021-12-23T17:49:05+05:30 IST