142 దేశాలకు వ్యాక్సిన్ పంపిణీ.. వెల్లడించిన డబ్ల్యూహెచ్‌వో
ABN, First Publish Date - 2021-03-03T10:29:43+05:30
ప్రపంచాన్ని గజగజలాడించిన కరోనా మహమ్మారి.. వ్యాక్సిన్ల తయారీతో కొంచెం నెమ్మదిస్తోంది. ఈ క్రమంలో బీద దేశాలకు అండగా ఉండేందుకు ప్రపంచ ఆరోగ్య సంస్థ(డబ్ల్యూహెచ్‌వో) కోవ్యాక్స్ అనే సంస్థను ఏర్పాటు చేసిన విషయం తెలిసిందే.
జెనీవా: ప్రపంచాన్ని గజగజలాడించిన కరోనా మహమ్మారి.. వ్యాక్సిన్ల తయారీతో కొంచెం నెమ్మదిస్తోంది. ఈ క్రమంలో బీద దేశాలకు అండగా ఉండేందుకు ప్రపంచ ఆరోగ్య సంస్థ(డబ్ల్యూహెచ్‌వో) కోవ్యాక్స్ అనే సంస్థను ఏర్పాటు చేసిన విషయం తెలిసిందే. వ్యాక్సిన్‌ను బీద దేశాలకు ఉచితంగా అందించే లక్ష్యంతో కోవ్యాక్స్ ఏర్పాటు చేశారు. ఈ క్రమంలోనే వ్యాక్సిన్ తయారైన ప్రతి దేశం నుంచి కొన్ని లక్షల డోసులకు కోవ్యాక్స్ సేకరిస్తూ వచ్చింది. ఇప్పుడు మొత్తమ్మీద 142 దేశాలకు దాదాపు 24 కోట్ల వ్యాక్సిన్ డోసులు కోవ్యాక్స్ నుంచి అందనున్నాయని డబ్ల్యూహెచ్‌వో వెల్లడించింది. మే చివరి నాటికి ఆక్స్‌ఫర్డ్-ఆస్ట్రాజెనెకా వ్యాక్సిన్లు 23.7కోట్ల డోసులకు 142 దేశాలకు కోవ్యాక్స్ ద్వారా అందజేస్తామని ఈ సంస్థ తెలిపింది. గతవారమే వ్యాక్సిన్ డోసులు ఘనాకు చేరుకున్నాయి. ఇప్పటి వరకు ప్రపంచ వ్యాప్తంగా 11.45 కోట్ల మందికి కరోనా సోకింది.
Updated Date - 2021-03-03T10:29:43+05:30 IST