పెదవులు మెరుస్తాయిలా!
ABN, First Publish Date - 2021-02-22T20:54:46+05:30
తాజాగా, ఆరోగ్యంగా ఉండే పెదవులు తెచ్చే అందం చాలానే. అయితే ఎండ ఎక్కువగా తగలడం, తేమ తగ్గడం, టూత్‌పేస్ట్‌ వల్ల జరిగే ఎలర్జీ చర్య వల్ల ఒక్కోసారి పెదవులు నల్లగా మారతాయి. అలాంటప్పుడు వాటిని తాజాగా, కాంతిమంతంగా మలచుకునేందుకు ఏం చేయాలంటే...
ఆంధ్రజ్యోతి(22-02-2021)
తాజాగా, ఆరోగ్యంగా ఉండే పెదవులు తెచ్చే అందం చాలానే. అయితే ఎండ ఎక్కువగా తగలడం, తేమ తగ్గడం, టూత్‌పేస్ట్‌ వల్ల జరిగే ఎలర్జీ చర్య వల్ల ఒక్కోసారి పెదవులు నల్లగా మారతాయి. అలాంటప్పుడు వాటిని తాజాగా, కాంతిమంతంగా మలచుకునేందుకు ఏం చేయాలంటే...
నిమ్మరసం: తాజా నిమ్మరసాన్ని రాత్రిపూట నిద్రపోయే ముందు పెదవులపై రాసుకోవాలి. ఉదయాన్నే చల్లని నీళ్లతో శుభ్రం చేసుకోవాలి. ఫలితం కనిపించేత వరకు ఇలా చేస్తూ ఉండాలి.
పసుపు: టేబుల్‌ స్పూన్‌ పాలలో కొద్దిగా పసుపు వేయాలి. ఈ మిశ్రమాన్ని తడి చేతితో పెదవులకు రాయాలి. అయిదు నిమిషాల తరువాత చల్లని నీళ్లతో కడిగేస్తే పెదవుల నలపుదనం తగ్గుతుంది.
అలొవెరా: ప్రతిరోజు కొద్దిగా అలొవెరా జెల్‌ను పెదవులకు రద్దుకోవాలి. ఆరిన తరువాత వేడినీళ్లతో కడుక్కోవాలి. అలొవెరా లోని గుణాలు పెదవులను తాజాగా మారుస్తాయి.
కొబ్బరినూనె: చేతివేలి కొసను కొబ్బరి నూనెలో ముంచి, పెదవులపై కొబ్బరి నూనె అంతటా అంటేలా రాసుకోవాలి. రోజులో నాలుగైదు సార్లు ఇలా చేయవచ్చు. రాత్రిపూట కూడా రాసుకోవచ్చు.
రోజ్‌వాటర్‌: రెండు చుక్కల రోజ్‌వాటర్‌కు ఆరు చుక్కల తేనె కలపాలి. ఈ మిశ్రమాన్ని రోజులో మూడు సార్లు పెదవులకు అప్లై చేయాలి. దాంతో పెదవులు క్రమంగా ఎరుపు రంగులోకి మారతాయి.
కీరదోస రసం: సగం కీరదోసను మిక్సీ పట్టి రసం తీసి, ఫ్రిజ్‌లో పెట్టాలి. ఇప్పడు కాటన్‌బాల్‌ను కీరదోస జ్యూస్‌లో ముంచి దాంతో పెదవులపై రుద్దుకోవాలి. అరగంట తరువాత చన్నీళ్లతో శుభ్రం చేసుకుంటే ఫలితం కనిపిస్తుంది.
Updated Date - 2021-02-22T20:54:46+05:30 IST