స్కిన్‌... ‘ఏ’ క్లాస్‌గా!
ABN, First Publish Date - 2021-05-26T17:43:44+05:30
శరీక ఆరోగ్యాన్నీ, ఫిట్‌నెస్‌నూ అందించే ఆహార ప్రణాళిక తయారు చేసుకున్నప్పుడు చర్మం ఆరోగ్యాన్ని కూడా దృష్టిలో ఉంచుకోవాలి. మనం తీసుకొనే ఆహారం మన చర్మ సౌందర్యం మీద ప్రతిఫలిస్తుంది.
ఆంధ్రజ్యోతి(26-05-3021)
శరీక ఆరోగ్యాన్నీ, ఫిట్‌నెస్‌నూ అందించే ఆహార ప్రణాళిక తయారు చేసుకున్నప్పుడు చర్మం ఆరోగ్యాన్ని కూడా దృష్టిలో ఉంచుకోవాలి. మనం తీసుకొనే ఆహారం మన చర్మ సౌందర్యం మీద ప్రతిఫలిస్తుంది. ప్రధానంగా ‘విటమిన్‌- ఎ’ అధికంగా ఉండే పదార్ధాలను ఆహారంలో భాగం చేసుకుంటే చర్మం ‘ఏ’ క్లాస్‌గా ఉంటుందంటున్నారు డెర్మటాలజిస్టులు. చర్మంలో కొత్త కణాల ఉత్పత్తినీ, ఎదుగుదలనూ ‘విటమిన్‌-ఎ’లో ఉండే రెటినోల్‌ ప్రోత్సహిస్తుంది. దీనిలో ఉండే యాంటీ ఆక్సిడెంట్లు వయసు చిహ్నాలు మీద పడకుండా నిరోధిస్తాయి.
అంతేకాదు, హానికరమైన సూర్య కిరణాల ప్రభావం నుంచి కూడా ‘విటమిన్‌-ఎ’ రక్షణ కల్పిస్తుంది. క్యారెట్లు, పాలకూర, మెంతికూర, బచ్చలి, లాంటి ఆకు కూరలు, గుమ్మడి, కోడిగుడ్డులోని పచ్చ సొన, చేపలు తదితరాలను ఆహారంలో ఎక్కువగా తీసుకుంటే శరీరానికి తగినంత ‘విటమిన్‌-ఎ’ లభిస్తుంది. తద్వారా చక్కటి చర్మం మీ సొంతమవుతుంది.
Updated Date - 2021-05-26T17:43:44+05:30 IST