మూత్రం రంగే అన్నీ చెప్పేస్తుంది.. ఆకుపచ్చ, ఎరుపు రంగుల్లో టాయ్‌లెట్ ఉంటే అర్థం ఏమిటంటే..
ABN, First Publish Date - 2021-10-19T18:27:05+05:30
మూత్రం మాట్లాడకపోవచ్చు. కానీ దాని రంగు పలురకాల ఆరోగ్య పరిస్థితులను తెలుపుతుంది. కాబట్టి రంగును బట్టి సమస్యను అంచనా వేయగలిగే వీలుంది.
ఆంధ్రజ్యోతి(19-10-2021): మూత్రం మాట్లాడకపోవచ్చు. కానీ దాని రంగు పలురకాల ఆరోగ్య పరిస్థితులను తెలుపుతుంది. కాబట్టి రంగును బట్టి సమస్యను అంచనా వేయగలిగే వీలుంది.
తేలికపాటి పసుపుపచ్చ: సరిపడా నీళ్లు తాగే ఆరోగ్యవంతుల మూత్రం ఈ రంగులోనే ఉంటుంది. కాబట్టి కంగారు పడవలసిన అవసరం లేదు.
ముదురు పసుపుపచ్చ: ఒంట్లో నీళ్లు తగ్గాయని అర్థం. కామెర్లు సోకినా మూత్రం ఇదే రంగులో ఉంటుంది.
ఆకుపచ్చ: నీలం రంగు ఫుడ్‌ కలర్‌ వేసిన పదార్థాలు తినడం మూలంగా ఆకుపచ్చ మూత్రం తయారవుతుంది.
అస్పష్టంగా: మూత్రం పారదర్శకంగా లేకుండా మసకగా కనిపిస్తే, అవసరానికి మించి ప్రొటీన్‌ తింటున్నారని అర్థం.
తెల్లని మేఘాలు: మూత్రంలో తెల్లని మేఘాల్లాంటి ఆకారాలు కనిపిస్తే, మూత్రాశయ ఇన్‌ఫెక్షన్‌గా భావించాలి. మూత్రవిసర్జన సమయంలో మంట, తరచుగా మూత్రవిసర్జన చేయవలసి రావడం లాంటి లక్షణాలు కూడా ఉంటే వైద్యులను సంప్రతించాలి.
ముదురు గోధుమ రంగు: కామెర్లు, ఇతరత్రా కాలేయ సమస్యల్లో ఇలా జరుగుతుంది.
ఎరుపు: మూత్రపిండాల్లో రాళ్లు, మూత్రాశయ ఇన్‌ఫెక్షన్లు, కేన్సర్‌ లాంటి అనారోగ్యాల్లో ఈ పరిస్థితి ఉంటుంది.
Updated Date - 2021-10-19T18:27:05+05:30 IST