లోకం చుట్టిన నొవ్వి నవ్వు!
ABN, First Publish Date - 2021-08-02T09:57:43+05:30
కడుక్కుపోయిన కాలంలో మాంసం కొన్న వేటగాళ్ల కోసం పంటికి వజ్రం తొడుక్కునే నవ్వులో...
కడుక్కుపోయిన కాలంలో
మాంసం కొన్న వేటగాళ్ల కోసం
పంటికి వజ్రం తొడుక్కునే నవ్వులో
నాలుకకి అందిన వరాలు
బాటసారికి వసంతరాగం వినిపించిన
కుత్తుకలు... పరిమళాలు పరిచిన నాపలు
అగుపడని వేళ్ళ వణుకు.. అభాండపు కన్నులు,
పగలు రేయి పదునులు... కీలుబొమ్మలు...
రోజు లేని రవి.. రవి లేని రోజు...
శిశిర రుతువు రాత్రులు.. పొట్టి చెంచలాలు
మోదుగు పూలకాలం... వెచ్చని స్పర్శ
కళ్ళూ కళ్ళూ కలిసి రసి... వేడి చూపులు
తెగిపడిన పగడాల దండ తుళ్ళింతలో...
దారం, భ్రమరం తిరుగుబోతయి...
వాడిపోయిన తీగని పట్టుకు వదలని భవనం,
పాత తలపులని మత్తులో పాడుకున్న మేడ...
రాత్రి ముద్రలు... సిగ్గుల్లో గిచ్చుకొని... ఎండి
పోయిన పూలదండల చాటున చంద్రుడు...
చెయ్యి వదిలితే విరిగిపడ్డ పసిస్థానం,
కోసి కోసి రంపం పొట్టులా కోర్కెల జల్లులు...
బతుకులో, తెగి చచ్చి బతికిన జీవంలో
కళ... కళలు
వేలిముద్రల తోలు మీద, మాలో... మాతో కాలం,
దోసిట్లో నీళ్ళూ.. పౌరుషం ఉంటే ఖాళీ రాత్రులే
తోడు...
ఆ కోడికూతల కాలం... జండా ఎగరవేసి...
కంటిరెప్ప పైకి ఎత్తడం... కోటి రాగాల ఉదయం.
మన్నం సింధు మాధురి
87909 06686
Updated Date - 2021-08-02T09:57:43+05:30 IST