రూపాయి హై జంప్
ABN, First Publish Date - 2021-03-04T06:05:28+05:30
ఫారెక్స్ మార్కె ట్లో రూపాయి ఒక్క రోజులోనే 65 పైసలు దూసుకుపోయింది. గత 6 నెలల కాలంలో రూపాయి సాధించిన అతి పెద్ద ర్యాలీ ఇది. అమెరికన్ డాలర్ బలహీనతతో పాటు దేశీయ ఈక్విటీ మార్కెట్లో ఏర్పడిన ర్యాలీ, ఎఫ్పీఐ పెట్టుబడుల
ఒక్క రోజులో 65 పైసలు లాభం
ముంబై: ఫారెక్స్ మార్కె ట్లో రూపాయి ఒక్క రోజులోనే 65 పైసలు దూసుకుపోయింది. గత 6 నెలల కాలంలో రూపాయి సాధించిన అతి పెద్ద ర్యాలీ ఇది. అమెరికన్ డాలర్ బలహీనతతో పాటు దేశీయ ఈక్విటీ మార్కెట్లో ఏర్పడిన ర్యాలీ, ఎఫ్పీఐ పెట్టుబడుల మద్దతు, క్రూడాయిల్ ధరల తగ్గుదల రూపాయి దూకుడుకు దోహదపడ్డాయి. వర్తమాన త్రైమాసికంలో విదేశీ ఇన్వెస్టర్లు ఇప్పటివరకు 500 కోట్ల డాలర్లు భారత ఈక్విటీ మార్కెట్లో పెట్టుబడిగా పెట్టారని విశ్లేషకులు చెబుతున్నారు. సర్వత్రా సానుకూలతల కారణంగా బుధవారం ఉదయం అమెరికన్ డాలర్ మారకంలో 73.26 వద్ద ప్రారంభమైన రూపాయి ఇంట్రాడేలో 72.71 వరకు దూసుకుపోయి చివరికి 72.72 వద్ద ముగిసింది. గత ఏడాది సెప్టెంబరు ఒకటో తేదీన ఏర్పడిన ర్యాలీలో 73 పైసలు లాభపడిన అనంతరం సాధించిన పెద్ద లాభం ఇదే. అంతర్జాతీయ విపణిలో క్రూడాయిల్ బ్యారెల్ 1.69 శాతం క్షీణించి 63.76 డాలర్లకు దిగివచ్చింది. రాబోయే కొద్ది రోజుల్లో రూపాయి 72.75-73.25 మధ్యన కదలాడవచ్చునని హెచ్డీఎ్ఫసీ సెక్యూరిటీస్ అంచనా.
Updated Date - 2021-03-04T06:05:28+05:30 IST