కాగ్నిజెంట్‌లో లక్షకు పైగా ఉద్యోగాలు... ఐటీలో భారీగా కొత్త కొలువులు
ABN, First Publish Date - 2021-07-30T19:36:11+05:30
ఐటీ దిగ్గజం కాగ్నిజెంట్‌లో లక్షకు పైగా కొలువులు రానున్నాయి. ఇటీవల సాఫ్ట్‌వేర్ రంగంలో భారీ రిక్రూట్మెంట్లు జరుగుతోన్న విషయం తెలిసిందే.
హైదరాబాద్ : ఐటీ దిగ్గజం కాగ్నిజెంట్‌లో లక్షకు పైగా కొలువులు రానున్నాయి. ఇటీవల సాఫ్ట్‌వేర్ రంగంలో భారీ రిక్రూట్మెంట్లు జరుగుతోన్న విషయం తెలిసిందే. కరోనా తర్వాత డిజిటల్ టెక్నాలజీకి మరింత ప్రాధాన్యత పెరగడంతో ఆ రంగంలో డిమాండ్ పెరుగుతోంది. దీంతో ఐటీ కంపెనీలు కొత్తగా ఉద్యోగులను నియమించుకుంటున్నాయి. కాగా... కాగ్నిజెంట్ ఉద్యోగుల విషయంలో ఓ సమస్యను ఎదుర్కొంటోంది. ఈ కంపెనీ నుండి పెద్ద సంఖ్యలో ఉద్యోగులు ఇతర కంపెనీలకు వెళుతున్నారు.
కంపెనీ ఈ నియామకాలపై దృష్టి సారించింది. ఉద్యోగుల వలసల నేపధ్యంలో ఈ ఖాళీలను భర్తీ చేసేందుకు కంపెనీ ఈ ఏడాది లక్ష మందిని తీసుకోనుంది. ఈ మేరకు కాగ్నిజెంట్ ఓ ప్రకటన కూడా చేసింది. ఈ ఏడాదిలో... అనుభవం కలిగిన నిపుణులతో పాటు 30 వేల మంది ప్రెషర్స్‌ను తీసకుంటామని తెలిపింది. ఇక 2022 లో 45 వేల మంది కొత్త గ్రాడ్యుయేట్లను చేర్చుకుంటామని వెల్లడించింది.
Updated Date - 2021-07-30T19:36:11+05:30 IST