connectivity : కొత్త మార్గాల్లో 8 విమాన సర్వీసులు
ABN, First Publish Date - 2021-07-17T14:29:44+05:30
కొత్త కేంద్ర పౌర విమానయాన శాఖ మంత్రి జ్యోతిరాదిత్య సింధియా 8 కొత్త మార్గాల్లో విమాన సర్వీసులను ప్రారంభించారు....
కేంద్రమంత్రి జ్యోతిరాదిత్య సింధియా వెల్లడి
న్యూఢిల్లీ :కొత్త కేంద్ర పౌర విమానయాన శాఖ మంత్రి జ్యోతిరాదిత్య సింధియా 8 కొత్త మార్గాల్లో విమాన సర్వీసులను ప్రారంభించారు. మధ్యప్రదేశ్ నుంచి మహారాష్ట్ర, గుజరాత్ రాష్ట్రాలకు ప్రాంతీయ వైమానిక అనుసంధానం పెంచడానికి 8 విమానసర్వీసులను మంత్రి లాంఛనంగా ప్రారంభించారు. గ్వాలియర్-ముంబై-గ్వాలియర్, గ్వాలియర్-పూణే-గ్వాలియర్, జబల్పూర్-సూరత్-జబల్పూర్, అహ్మదాబాద్-గ్వాలియర్-అహ్మదాబాద్ మార్గాల్లో 8 విమాన సర్వీసులను కొత్తగా ప్రారంభించారు.ప్రాంతీయ వాయు కనెక్టివిటీని పెంచడానికి తాము చర్యలు తీసుకున్నామని మంత్రి సింధియా చెప్పారు.
ఢిల్లీ -జబల్పూర్ మార్గంలో అదనపు విమాన సర్వీసులను జులై 18 నుంచి ప్రారంభిస్తామని మంత్రి చెప్పారు. ఖజురహో-ఢిల్లీ-ఖజురహోకు కొత్తగా విమాన సర్వీసును అక్టోబరు నుంచి నడుపుతామని మంత్రి జ్యోతిరాదిత్య ప్రకటించారు. మూడు రాష్ట్రాల మధ్య ప్రాంతీయ వైమానిక కనెక్టివిటీ పెంచడం వల్ల ఆర్థిక కార్యకలాపాలు మెరుగుపడతాయని మంత్రి చెప్పారు. ఉడాన్ పథకం కింద కోల్ కతా, ఇంపాల్, దిబ్రూఘడ్ నగరాలకు విమాన సర్వీసులను నడుపుతున్నారు.
Updated Date - 2021-07-17T14:29:44+05:30 IST