‘ఆటో’కి జూలై జోష్‌
ABN, First Publish Date - 2021-08-02T05:54:11+05:30
దేశీయ ఆటోమొబైల్‌ కంపెనీలకు జూలై నెల బాగానే కలిసొచ్చింది. ఈ కాలానికి కంపెనీలు అమ్మకాల్లో రెండంకెల వృద్ధి రేటు సాధించాయి.
న్యూఢిల్లీ : దేశీయ ఆటోమొబైల్‌ కంపెనీలకు జూలై నెల బాగానే కలిసొచ్చింది. ఈ కాలానికి కంపెనీలు అమ్మకాల్లో రెండంకెల వృద్ధి రేటు సాధించాయి. ఈ నెలలో మారుతి సుజుకీ 1,41,238 యూనిట్లువిక్రయించగా హ్యుండయ్‌ (48,042), టాటా మోటార్స్‌ (30,185), హోండా (6,055),నిస్సాన్‌ (4,259), ఎంజీ మోటార్స్‌ (4,225), స్కోడా (3,080) యూనిట్లను విక్రయించాయి. కొవిడ్‌ రెండో ఉధృతి తగ్గి ఆర్థిక కార్యకలాపాలు గాడినపడడం కంపెనీలకు బాగా కలిసొచ్చింది. మరోవైపు ద్విచక్ర వాహన సంస్థ హీరో మోటో కార్ప్‌ విక్రయాలు 13 శాతం తగ్గి 4,54,398 యూనిట్లుగా నమోదయ్యాయి. రాయల్‌ ఎన్‌ఫీల్డ్‌ విక్రయాలు మాత్రం 9 శాతం పెరిగి 44,038 యూనిట్లుగా ఉన్నాయి.
Updated Date - 2021-08-02T05:54:11+05:30 IST