హ్యుండయ్‌ అల్కాజర్‌ బుకింగ్స్‌ షురూ..
ABN, First Publish Date - 2021-06-10T09:06:10+05:30
హ్యుండయ్‌ మోటార్‌ ఇండియా (హెచ్‌ఎంఐఎల్‌).. సరికొత్త స్పోర్ట్స్‌ యుటిలిటీ వెహికల్‌ (ఎస్‌యూవీ) అల్కాజర్‌ బుకింగ్స్‌ను ప్రారంభించినట్లు ప్రకటించింది.
హ్యుండయ్‌ మోటార్‌ ఇండియా (హెచ్‌ఎంఐఎల్‌).. సరికొత్త స్పోర్ట్స్‌ యుటిలిటీ వెహికల్‌ (ఎస్‌యూవీ) అల్కాజర్‌ బుకింగ్స్‌ను ప్రారంభించినట్లు ప్రకటించింది. ఈ నెలలోనే మార్కెట్లోకి దీన్ని విడుదల చేయాలని కంపెనీ భావిస్తోంది. ఈ ప్రీమియం ఎస్‌యూవీని 6,7 సీటర్‌ ఆప్షన్లతో తీసుకువస్తోంది.
దేశవ్యాప్తంగా ఉన్న కంపెనీ డీలర్‌షిప్స్‌ లేదా ఆన్‌లైన్‌ ద్వారా రూ.25,000 చెల్లించి అల్కాజ ర్‌ను బుక్‌ చేసుకోవచ్చని హ్యుండయ్‌ తెలిపింది. 2 లీటర్‌ పెట్రోల్‌ ఇంజన్‌, 1.5 లీటర్‌ డీజిల్‌ ఇంజన్‌, సిక్స్‌ స్పీడ్‌ ఆటోమేటిక్‌, మాన్యువల్‌ ట్రాన్స్‌మిషన్స్‌ ఆప్షన్లతో ఈ ఎస్‌యూవీ అందుబాటులో ఉండనుంది. సెవెన్‌ సీటర్‌ విభాగంలో ఇప్పటికే ఉన్న మహీంద్రా ఎక్స్‌యూవీ 500, టాటా సఫారీ, ఎంజీ హెక్టర్‌ ప్లస్‌కు అల్కాజర్‌ గట్టి పోటీనిస్తుందని భావిస్తున్నారు.
Updated Date - 2021-06-10T09:06:10+05:30 IST