ఇక 14, 18, 22 క్యారెట్ల బంగారాన్ని మాత్రమే అమ్మాలి... జూన్ ఒకటి నుంచి తప్పనిసరి...
ABN, First Publish Date - 2021-04-14T02:29:03+05:30
బంగారంపై జూన్ ఒకటి నుంచి ‘హాల్ మార్క్’ తప్పనిసరి కానుంది. కేంద్రప్రభుత్వం మంగళవారం ఈ మేరకు ప్రకటించింది.
న్యూఢిల్లీ : బంగారంపై జూన్ ఒకటి నుంచి ‘హాల్ మార్క్’ తప్పనిసరి కానుంది. కేంద్రప్రభుత్వం మంగళవారం ఈ మేరకు ప్రకటించింది. పసిడి స్వచ్ఛతను నిర్ధారించే ఈ ‘హాల్మార్క్’ విధానాన్ని అమలు చేయాలని 2019 నవంబరులో కేంద్రం నిర్ణయించిన విషయం తెలిసిందే. ఈ క్రమంలో... వ్యాపారులకు ఈ ఏడాది(2021) జనవరి 15 వరకు గడువిచ్చింది.
కాగా... కరోనా నేపధ్యంలో వ్యాపారుల వినతి మేరకు ఈ గడువును జూన్ ఒకటి వరకు పెంచింది. ఇకపై గడువును పొడగించేది లేదని తాజాగా స్పష్టం చేసింది. కాగా... ఇప్పటివరకు 34,647 మంది వ్యాపారులు బీఐఎస్తో రిజిస్టరయ్యారు. వచ్చే రెండు నెలల్లో ఈ సంఖ్య లక్ష దాటుతుందని అంచనా వేస్తున్నట్లు అధికారులు పేర్కొ్న్నారు. మొత్తంమీద... జూన్ ఒకటి నుంచి… 14, 18, 22 క్యారెట్ల బంగారాన్ని మాత్రమే విక్రయించేందుకు అనుమతులుంటాయని వెల్లడించారు.
Updated Date - 2021-04-14T02:29:03+05:30 IST