డీమార్ట్‌ లాభం రూ.414 కోట్లు
ABN, First Publish Date - 2021-05-09T06:14:09+05:30
ఈ మార్చితో ముగిసిన నాలుగో త్రైమాసికానికి (క్యూ4) డీమార్ట్‌ రిటైల్‌ స్టోర్ల నిర్వహణ సంస్థ అవెన్యూ సూపర్‌మార్ట్స్‌ లిమిటెడ్‌ రూ.7,411.68 కోట్ల ఆదాయంపై...
న్యూఢిల్లీ : ఈ మార్చితో ముగిసిన నాలుగో త్రైమాసికానికి (క్యూ4) డీమార్ట్‌ రిటైల్‌ స్టోర్ల నిర్వహణ సంస్థ అవెన్యూ సూపర్‌మార్ట్స్‌ లిమిటెడ్‌ రూ.7,411.68 కోట్ల ఆదాయంపై రూ.413.87 కోట్ల నికర లాభం ఆర్జించింది. గత ఏడాది ఇదే కాలంతో పోలిస్తే ఆదాయం 18.47 శాతం, నికర లాభం 52.56 శాతం పెరిగాయి. 2020-21 ఆర్థిక సంవత్సరం మొత్తాన్ని పరిగణనలోకి తీసుకుంటే మాత్రం డీమార్ట్‌కు పెద్దగా కలిసి రాలేదు. ఈ కాలానికి కంపెనీ రూ.24,143.06 కోట్ల ఆదాయంపై రూ.1,099.43 కోట్ల నికర లాభం ఆర్జించింది. 2019-20 ఆర్థిక సంత్సరంతో పోలిస్తే ఆదాయం 2.92 శాతం, నికర లాభం 15.5 శాతం పడిపోయాయి. కరోనా కట్టడి కోసం దేశవ్యాప్తంగా విధించిన లాక్‌డౌన్లు, ఇతర సమస్యలు గత ఆర్థిక సంవత్సరం తొలి ఆరు నెలల్లో కంపెనీ ఆదాయం, లాభాలను బాగా దెబ్బతీశాయి. గత ఏడాది నవంబరు నుంచి పెరుగుతూ వచ్చిన వ్యాపారం, ఈ ఏడాది జనవరి నుంచి పూర్తి స్థాయిలో పుంజుకుంది.
Updated Date - 2021-05-09T06:14:09+05:30 IST