రెండున్నరేళ్లుగా విశాఖను దోచుకుంటున్నారు
ABN, First Publish Date - 2021-10-27T06:36:51+05:30
విశాఖ నగరంలో దొంగలు పడి రెండున్నర సంవత్సరాలుగా దోచుకుంటున్నారని మాజీ మంత్రి సీహెచ్‌.అయ్యన్నపాత్రుడు ఆరోపించారు.
విలువైన స్థలం కనిపిస్తే విజయసాయిరెడ్డి బృందం బెదిరింపులు
అనుమతులు లేకుండా రుషికొండలో నిర్మాణాలు
కశింకోటలో వందల ఎకరాల భూమి ఆక్రమణ : మాజీ మంత్రి అయ్యన్న
నర్సీపట్నం, అక్టోబరు 26 : విశాఖ నగరంలో దొంగలు పడి రెండున్నర సంవత్సరాలుగా దోచుకుంటున్నారని మాజీ మంత్రి సీహెచ్‌.అయ్యన్నపాత్రుడు ఆరోపించారు. స్థానిక విలేఖరులకు మంగళవారం ఆయన ఓ వీడియో సందేశాన్ని విడుదల చేశారు. నగరంలో విలువైన స్థలం కనిపిస్తే విజయసాయిరెడ్డి బృందం బెదిరించి స్వాధీనం చేసుకుంటున్నారని ఆరోపించారు. విశాఖపట్నం రుషికొండ బీచ్‌లో విలువైన హోటల్‌ని నేలమట్టం చేసి, ఆ స్థలంలో ఎటువంటి అనుమతులు లేకుండా కొత్తగా నిర్మాణాలకు తెగబడుతున్నారని విమర్శించారు. ఈ విషయం అధికారులకు తెలిసినా నోరు మెదపడం లేదని పేర్కొన్నారు. కశింకోటలో వందల ఎకరాల భూమిని ఆక్రమించి అక్రమంగా గ్రావెల్‌ తవ్వకాలు చేపట్టి రవాణా చేస్తున్నారని ఆరోపించారు. ఈ విషయంలో కింద స్థాయి అధికారులను బలి చేయడం దారుణమన్నారు. ఉత్తరాంధ్ర జిల్లాలో జరుగుతున్న అన్యాయాన్ని ప్రజలంతా వ్యతిరేకించాలని అయ్యన్న కోరారు.
Updated Date - 2021-10-27T06:36:51+05:30 IST