చింతపల్లి సీహెచ్‌సీ వైద్యుల సేవలు అభినందనీయం
ABN, First Publish Date - 2021-06-23T05:45:13+05:30
స్థానిక సామాజిక ఆరోగ్య కేంద్రంలో వైద్యసేవలదిస్తున్న డీసీఎస్‌ మహేశ్వరరావు, ఇతర వైద్యుల సేవలు అభినందనీయమని మార్కెట్‌ కమిటీ చైర్‌పర్సన్‌ జల్లి హలియారాణి అన్నారు.
మార్కెట్‌ కమిటీ చైర్‌పర్సన్‌ హలియారాణి
చింతపల్లి, జూన్‌ 22: స్థానిక సామాజిక ఆరోగ్య కేంద్రంలో వైద్యసేవలదిస్తున్న డీసీఎస్‌ మహేశ్వరరావు, ఇతర వైద్యుల సేవలు అభినందనీయమని మార్కెట్‌ కమిటీ చైర్‌పర్సన్‌ జల్లి హలియారాణి అన్నారు. మంగళవారం ఆస్పత్రిని సందర్శించిన ఆమె ఆస్పత్రి సూపరింటెండెంట్‌ (డీసీఎస్‌) డాక్టర్‌ డి.మహేశ్వరరావు, వైద్యాధికారి రఘురామ్‌ని ఆమె సన్మానించారు. ఈసందర్భంగా మాట్లాడుతూ.. వైద్యశాలలో పూర్తిస్థాయి వైద్యులు లేకపోయినప్పటికి కరోనా కష్టకాలంలో ఇద్దరు డాక్టర్లు ఎంతో ఓర్పుతో సేవలందించారన్నారు. అలాగే ఎస్‌ఎన్‌సీయూ వైద్యాధికారి దేపూరు కృపా హిమబిందు కూడా పిల్లలకు మెరుగైన చికిత్స అందిస్తున్నారన్నారు. అనంతరం గిరిజన సంక్షేమ శాఖ మంత్రి పుష్పశ్రీవాణి జన్మదినం పురస్కరించుకుని రోగులకు పండ్లు, రొట్టెలు, పాలు పంపిణీ చేశారు. ఈకార్యక్రమంలో వైద్యాధికారి శ్రీకాంత్‌, పవన్‌చక్రవర్తి, వైసీపీ నాయకులు చింతాడ వరలక్ష్మి పాల్గొన్నారు.
Updated Date - 2021-06-23T05:45:13+05:30 IST