జిల్లాలో 31 వేల మందికి ‘జగనన్న తోడు’
ABN, First Publish Date - 2021-10-21T04:41:12+05:30
జిల్లాలోని 31,465 మంది లబ్ధిదారులు ‘జగనన్న తోడు’ పథకం ద్వారా ఒక కోటి 9 లక్షల రూపాయల వడ్డీ లబ్ధి పొందారని రాష్ట్ర పర్యాటక శాఖ మంత్రి ముత్తంశెట్టి శ్రీనివాసరావు తెలిపారు.
మంత్రి ముత్తంశెట్టి శ్రీనివాసరావు
విశాఖపట్నం, అక్టోబరు 20: జిల్లాలోని 31,465 మంది లబ్ధిదారులు ‘జగనన్న తోడు’ పథకం ద్వారా ఒక కోటి 9 లక్షల రూపాయల వడ్డీ లబ్ధి పొందారని రాష్ట్ర పర్యాటక శాఖ మంత్రి ముత్తంశెట్టి శ్రీనివాసరావు తెలిపారు. తాడేపల్లి నుంచి బుధవారం పథకాన్ని ప్రారంభించిన సందర్భంగా ముఖ్యమంత్రి వై.ఎస్‌.జగన్‌మోహన్‌రెడ్డి నిర్వహించిన వీడియో కాన్ఫరెన్స్‌లో మంత్రి పాల్గొన్నారు.
ప్రభుత్వం అందించిన ఈ సాయాన్ని లబ్ధిదారులు సద్వినియోగం చేసుకోవాలని, ఇంకా బ్యాంకులకు వడ్డీలు కట్టనివారు డిసెంబరులోగా దాన్ని పూర్తి చేసుకోవాలని సూచించారు. ఈ కార్యక్రమంలో మేయర్‌ గొలగాని హరివెంకటకుమారి, జడ్పీ చైర్‌పర్సన్‌ జె.సుభద్ర, జేసీలు ఎం.వేణుగోపాలరెడ్డి, పి.అరుణబాబు తదితరులు పాల్గొన్నారు.
Updated Date - 2021-10-21T04:41:12+05:30 IST