రాష్ట్రం ఒక ఆర్ధిక నిపుణుడిని కోల్పోయింది...రోశయ్య మృతిపై Achenna
ABN, First Publish Date - 2021-12-04T15:22:43+05:30
మాజీ ముఖ్యమంత్రి, తమిళనాడు మాజీ గవర్నర్ రోశయ్య మృతితో రాష్ట్రం ఒక ఆర్ధిక నిపుణుడిని కోల్పోయిందని టీడీపీ రాష్ట్ర అధ్యక్షుడు కింజరాపు అచ్చెన్నాయుడు అన్నారు.
అమరావతి: మాజీ ముఖ్యమంత్రి, తమిళనాడు మాజీ గవర్నర్ రోశయ్య మృతితో రాష్ట్రం ఒక ఆర్ధిక నిపుణుడిని కోల్పోయిందని టీడీపీ రాష్ట్ర అధ్యక్షుడు కింజరాపు అచ్చెన్నాయుడు అన్నారు. రోశయ్య మృతి బాధాకరమన్నారు. రోశయ్య ఏ పదవి చేపట్టినా ప్రజాసేవే పరమావధిగా పనిచేశారని చెప్పుకొచ్చారు. ఉమ్మడి రాష్ట్రానికి ఆర్ధిక మంత్రిగా, ముఖ్యమంత్రిగా రాష్ట్ర ప్రజలకు విశేష సేవలందించారన్నారు. రోశయ్య అన్ని పార్టీల నాయకులతోనూ ఎలాంటి విభేదాలకు తావు లేకుండా స్నేహపూర్వకంగా మెలిగేవారని తెలిపారు. ఆయన పవిత్ర ఆత్మకు శాంతి చేకూరాలని కోరుకుంటూ కుటుంబ సభ్యులకు అచ్చెన్నాయుడు ప్రగాఢ సానుభూతిని తెలియజేశారు.
Updated Date - 2021-12-04T15:22:43+05:30 IST