మహిళా సంరక్షణ కార్యదర్శులు పోలీసులే..! : ఎస్పీ
ABN, First Publish Date - 2021-07-27T05:10:36+05:30
మహిళా సంరక్షణ కార్యదర్శులు కూడా పోలీసు శాఖలో భాగమే అని ఎస్పీ సీహెచ్‌ విజయరావు పేర్కొన్నారు. జిల్లా పోలీసు కార్యాలయంలో గ్రామ, వార్డు మహిళా సంరక్షణ కార్యదర్శుల (మహిళా పోలీసులు) విధివిధానాలపై పోలీసు అధికారులతో ఎస్పీ సోమవారం వీడియో కాన్ఫరెన్స్‌ ద్వారా సమీక్షించారు.
నెల్లూరు(క్రైం), జూలై 26: మహిళా సంరక్షణ కార్యదర్శులు కూడా పోలీసు శాఖలో భాగమే అని ఎస్పీ సీహెచ్‌ విజయరావు పేర్కొన్నారు. జిల్లా పోలీసు కార్యాలయంలో గ్రామ, వార్డు మహిళా సంరక్షణ కార్యదర్శుల (మహిళా పోలీసులు) విధివిధానాలపై పోలీసు అధికారులతో ఎస్పీ సోమవారం వీడియో కాన్ఫరెన్స్‌ ద్వారా సమీక్షించారు. మహిళా కార్యదర్శులు ఇక నుంచి గ్రామ, వార్డు సచివాలయానికి సమీపంలోని పోలీసు స్టేషన్‌కు ప్రతినిఽధులుగా వ్యవహరించే విఽధంగా చర్యలు తీసుకోవాలన్నారు. దిశా యాప్‌ను యువతులు, మహిళలు డౌన్‌లోడ్‌ చేసుకునేలా అవగాహన కల్పించాలన్నారు. గ్రామాల్లో చట్టవిరుద్ధ, అసాంఘిక కార్యకలాపాలపై పోలీసులకు సమాచారం ఇవ్వాలని సూచించారు. ఈ కార్యక్రమంలో ఎస్‌బీ డీఎస్పీ కోటారెడ్డి తదితరులు పాల్గొన్నారు. కాగా, నెల్లూరులోని ఓవెల్‌ జూనియర్‌ కళాశాలలో నగర డీఎస్పీ శ్రీనివాసులురెడ్డి సోమవారం దిశ యాప్‌పై అవగాహన సదస్సు నిర్వహించారు. విద్యార్థినులు, మహిళలకు ఆ యాప్‌, దాని వినియోగం, ప్రయోజనాలపై అవగాహన కల్పించారు. ఈ కార్యక్రమంలో ఓవెల్‌ విద్యాసంస్థల చైర్మన్‌ వేణు, దర్గామిట్ట ఎస్‌ఐ విజయకుమార్‌ తదితరులు పాల్గొన్నారు.
Updated Date - 2021-07-27T05:10:36+05:30 IST