కల్వర్టు నిర్మాణంతో ట్రాఫిక్‌ స్తంభన
ABN, First Publish Date - 2021-06-22T03:36:41+05:30
నాయుడుపేటలోని అమరావతి సెంటర్‌ వద్ద కల్వర్టును నిర్మిస్తుండటంతో ట్రాఫిక్‌కు తీవ్ర అంతరాయం ఏర్పడుతోంది
నాయుడుపేటలోని అమరావతి సెంటర్‌ వద్ద కల్వర్టును నిర్మిస్తుండటంతో ట్రాఫిక్‌కు తీవ్ర అంతరాయం ఏర్పడుతోంది. నాయుడుపేట పట్టణంలో నుంచి మురుగునీరు బయటకు ప్రవహించే కాలువపై నేషనల్‌ హైవే అధికారులు - పూతలపట్టు రహదారిపై కల్వర్టు నిర్మాణ పనులు చేపట్టారు. తిరుపతి, బెంగళూరు తదితర ప్రాంతాలకు ఈ మార్గం ద్వారానే నిత్యం వేలాది వాహనాలు రాకపోకలు సాగిస్తుంటాయి. ఈ నేపథ్యంలో సోమవారం రహదారికి ఇరువైపులా కిలోమీటరు దాటి రోడ్డుపై గంటల తరబడి వాహనాలు నిలిచిపోయాయి. దీంతో వాహనదారులు తీవ్ర అవస్థలు పడ్డారు. అధికారులు కల్వర్టు నిర్మాణ పనులు త్వరితగతిన పూర్తి చేయాలని వాహన దారులు కోరుతున్నారు.
- నాయుడుపేట టౌన్‌
Updated Date - 2021-06-22T03:36:41+05:30 IST