పీఎస్ఎల్వీ-సీ51 రాకెట్ ప్రయోగం గ్రాండ్ సక్సెస్
ABN, First Publish Date - 2021-02-28T16:22:21+05:30
పీఎస్ఎల్వీ-సీ51 రాకెట్ ప్రయోగం విజయవంతం అయ్యింది. ఇస్రో తొలిసారి చేపట్టిన
నెల్లూరు: పీఎస్ఎల్వీ-సీ51 రాకెట్ ప్రయోగం విజయవంతం అయ్యింది. ఇస్రో తొలిసారి చేపట్టిన ప్రైవేట్ వాణిజ్య ప్రయోగం గ్రాండ్ సక్సెస్ అయ్యింది. మొత్తం 19 ఉపగ్రహాలను అంతరిక్షంలో ప్రవేశపెట్టారు. ఈ ప్రయోగం నాలుగు దశల్లో సాగింది. ప్రయోగం విజయవంతం కావడం పట్ల ఇస్రో శాస్త్రవేత్తలపై ప్రశంసల వర్షం కురుస్తోంది.
పొట్టి శ్రీరాములు నెల్లూరు జిల్లా శ్రీహరికోటలోని షార్‌ కేంద్రంలో ఉన్న ప్రథమ ప్రయోగ వేదిక నుంచి పీఎస్ఎల్వీ-సీ51ని ప్రయోగించారు. శనివారం ఉదయం 8.54 గంటలకు కౌంట్‌డౌన్‌ ప్రారంభంకాగా, ఆదివారం ఉదయం 10.24కు కౌంట్‌డౌన్‌ జీరోకు చేరుకోగానే నింగిలోకి దూసుకు వెళ్లింది. బ్రెజిల్‌కు చెందిన 637 కిలోల అమెజోనియ-1 ఉపగ్రహంతో పాటు, అమెరికాకు చెందిన 13 ఉపగ్రహాలు, ఐదు దేశీయ ఉపగ్రహాలను నిర్దేశిత కక్ష్యలో వదిలిపెట్టారు.
Updated Date - 2021-02-28T16:22:21+05:30 IST